എറണാകുളം ജില്ലയുടെ മലയോര മേഖലകളില് അതിശക്തമായ മഴയ്ക്കു സാധ്യതയുള്ളതിനാല് രാത്രി യാത്ര ഒഴിവാക്കണമെന്ന് ജില്ലാ കളക്ടര് രേണു രാജ് അറിയിച്ചു. ഇന്ന് എറണാകുളം ഉള്പ്പെടെ സംസ്ഥാനത്തെ 11 ജില്ലകളില് ശക്തമായ മഴ പ്രവചിക്കുന്ന പശ്ചാത്തലത്തില് ജാഗ്രതാനിര്ദേശമായി യെല്ലോ അലര്ട്ട് പ്രഖ്യാപിച്ചിട്ടുണ്ട്.
ജില്ലയിലെ മണ്ണിടിച്ചില്, ഉരുള്പൊട്ടല് സാധ്യത പ്രദേശങ്ങളില് പ്രത്യേക ശ്രദ്ധ ചെലുത്തണമെന്നും ആവശ്യമായ ഇടങ്ങളില് ഗതാഗത നിയന്ത്രണം ഏര്പ്പെടുത്തുന്നതിനും രാത്രി യാത്രകള് നിരുത്സാഹപ്പെടുത്തുന്നതിനും ആവശ്യമെങ്കില് ആളുകളെ മാറ്റിപ്പാര്പ്പിക്കുന്നതിനും വേണ്ട നടപടികള് സ്വീകരിക്കണമെന്നും ബന്ധപ്പെട്ട വകുപ്പുകള്ക്ക് ജില്ലാ ഭരണകൂടം നിര്ദേശം നല്കി.