കൊളച്ചലില്‍ കണ്ണന്‍ കൊഴിയാള ചാകര: വാങ്ങാൻ കേരളത്തിൽനിന്നുള്ള വ്യാപാരികളുടെ തിരക്ക്; വിൽപ്പന നടന്നത് കിലോയ്ക്ക് 20 രൂപയ്ക്ക്.

കൊളച്ചൽ, തേങ്ങപട്ടണം മേഖലകളിലായി ആയിരത്തോളം ബോട്ടുകൾ ആഴക്കടലിൽ മത്സ്യബന്ധനം നടത്തുന്നുണ്ട്. മോശം കാലാവസ്ഥയും ട്രോളിംഗ് നിരോധനവും മൂലം കഴിഞ്ഞ മൂന്ന് മാസമായി മത്സ്യത്തൊഴിലാളികൾ ഏറെ ബുദ്ധിമുട്ടിലാണ്. കഴിഞ്ഞയാഴ്ച വീണ്ടും മത്സ്യബന്ധനത്തിന് പോയ തൊഴിലാളികൾ വൻതോതിൽ അയലയുമായി മടങ്ങി.

എന്നാൽ മത്സ്യം ധാരാളമായി ലഭിച്ചതോടെ സാധാരണ 100 രൂപയ്ക്കു മുകളിലുള്ള വില ഇത്തവണ 20 രൂപയ്ക്കു വരെ വിൽക്കേണ്ടിവന്നു. മഴക്കെടുതിയെ തുടർന്നുള്ള ട്രോളിങ് നിരോധനത്തിനും ശേഷം മത്സ്യബന്ധനത്തിന് പോയ തൊഴിലാളികളുടെ പ്രതീക്ഷകൾക്ക് ഇതോടെ വീണ്ടും മങ്ങലേറ്റിട്ടുണ്ട്.