മാധ്യമപ്രവര്ത്തകന് ബഷീറിനെ കാര് ഇടിപ്പിച്ച് കൊലപ്പെടുത്തിയ കേസിലെ പ്രതി ശ്രീറാം വെങ്കിട്ടരാമനെ ആലപ്പുഴ ജില്ലാ കലക്ടറായി നിയമിച്ച സര്ക്കാര് തീരുമാനം സംസ്ഥാനത്ത് വീണ്ടും വന് ചര്ച്ചകള്ക്ക് വഴിവെച്ചിരിക്കുകയാണ്. സിറാജ് ദിനപത്രത്തിലെ തിരുവനന്തപുരം ബ്യൂറോ ചീഫായിരുന്നു കെ.എം ബഷീര്. രാത്രിയില് ജോലി കഴിഞ്ഞ് ബൈക്കില് വരവെ മൊബൈല് റിങ് ചെയ്തതിനെ തുടര്ന്ന് ബഷീര് ബൈക്ക് റോഡിന് സൈഡിലേക്ക് ഒതുക്കി സംസാരിച്ചുകൊണ്ടിരിക്കെയാണ് മദ്യപിച്ച് സ്ത്രീ സുഹൃത്തിനൊപ്പം കാറില് അമിത വേഗത്തിലെത്തിയ ശ്രീറാം വെങ്കിട്ടരാമന് കാറിടിപ്പിച്ച് കൊലപ്പെടുത്തിയത് എന്നാണ് കേസ്. സംഭവം കേരളത്തില് വന് വിവാദങ്ങള്ക്ക് വഴിവെച്ചു. അധികാരത്തിന്റെ ശേഷി ഉപയോഗിച്ച് മദ്യപിച്ചിട്ടുണ്ടോ എന്ന പരിശോധന വരെ അട്ടിമറിക്കപ്പെട്ടു. ശ്രീറാം സസ്പെന്ഷന് ശേഷം ആരോഗ്യവകുപ്പില് ജോലിക്ക് തിരിച്ചുകയറുകയും ചെയ്തു.
മാധ്യമപ്രവര്ത്തകന് കെ.എം.ബഷീര് കാറിടിച്ച് കൊല്ലപ്പെട്ട ദിവസം ഐ.എ.എസ് ഉദ്യോഗസ്ഥന് ശ്രീറാം വെങ്കിട്ടരാമനൊപ്പം രാത്രി കാറിലുണ്ടായിരുന്ന വഫ ഫിറോസ് എന്ന യുവതി ആരെന്ന് അന്ന് മലയാളികള് ഏറ്റവും കൂടുതല് തിരഞ്ഞു. അപകടം നടന്ന ദിവസം അതിരാവിലെ മുതല്തന്നെ ആരാണ് വഫ എന്നുള്ള തിച്ചിലുകള് ആരംഭിച്ചതായി ഗൂഗിള് ട്രെന്ഡ് ഫലങ്ങള് കാണിക്കുന്നു. ഗള്ഫ് രാജ്യങ്ങളില് നിന്നാണ് അന്ന് വഫയെ ഏറ്റവും കൂടുതല് പേര് ഗൂഗിള് തിരഞ്ഞത്. യു.എ.ഇ ആയിരുന്നു തിരച്ചിലില് ഒന്നാമത്. ഖത്തര്, ഒമാന്, ബഹ്റൈന്, കുവൈത്ത് എന്നീ രാജ്യങ്ങളാണ് രണ്ട് മുതല് അഞ്ച് വരെയുള്ള സ്ഥാനങ്ങളില്. ആറാം സ്ഥാനത്ത് ഇന്ത്യയാണ്. അതില് കേരളത്തില്നിന്നുമാണ് വഫ ആരെന്ന കൂടുതല് അന്വേഷണമുണ്ടായത്.
വഫ ഫിറോസ് മോഡല്, വഫ മോഡല്, വഫ ഫിറോസ് ഫോട്ടോസ്, വഫ ഫിറോസ് മോഡല് ഫോട്ടോസ് എന്നിങ്ങനെ നീളുന്നു തിരച്ചില് കീവേഡുകള്. ഫെയ്സ്ബുക്കിലും വഫ ഫിറോസിനെ തിരഞ്ഞവര് നിരവധി. തിരച്ചിലില് കിട്ടിയ ചിത്രങ്ങളെടുത്ത് വഫ ഫിറോസിന്റേത് എന്ന് വ്യജമായി പ്രചരിപ്പിച്ച വിരുതന്മാരും അന്ന് കുറവല്ല. കെ. എം ബഷീറിനെ കാറിടിച്ചപ്പോള് താന് മദ്യപിച്ചിരുന്നില്ലെന്നും കാറോടിച്ചത് വഫയായിരുന്നുവെന്നും ശ്രീറാം ചീഫ് സെക്രട്ടറിക്ക് നല്കിയ വിശദീകരണത്തില് പറഞ്ഞിരുന്നു. ഇതിനു പിന്നാലെ ശ്രീറാം പറയുന്നത് പച്ചക്കള്ളമാണെന്ന് ആരോപിച്ച് വഫ രംഗത്തെത്തിയിരുന്നു.
‘താനാണ് കാറോടിച്ചത് എന്ന് ശ്രീറാം ആവര്ത്തിക്കുന്നത് എന്തിനെന്ന് മനസ്സിലാകുന്നില്ല. അപകടത്തിന് ആറോ ഏഴോ ദൃക്സാക്ഷികളുണ്ടായിരുന്നു. ഫോറന്സിക് റിപ്പോര്ട്ടുണ്ട്. ഇതെല്ലാം എവിടെ? ഞാനൊരു സാധാരണക്കാരിയാണ്. എനിക്ക് പവര് ഇല്ല. അപകടം നടന്നതിന്റെ മൂന്നാം ദിവസം സംഭവിച്ച കാര്യങ്ങള് അതേപോലെ പറഞ്ഞ വ്യക്തിയാണ് ഞാന്. എനിക്കെന്താണ് നാളെ സംഭവിക്കുക എന്ന് അറിയില്ല. ഞാനിതുവരെ പറഞ്ഞതെല്ലാം സത്യമാണ്. അധികാരം ഉപയോഗിച്ച് ശ്രീറാമിന് എന്തും ചെയ്യാം. ഞാന് പറഞ്ഞതില് ഉറച്ചുനില്ക്കുന്നു’ -പഴയ ടിക് ടോക് വീഡിയോയില് വഫ പറയുന്നു.
സാമൂഹിക മാധ്യമമായ ടിക് ടോക്കില് അമ്ബതിനായിരം സ്ഥിരം കാഴ്ചക്കാരുള്ളയാളായിരുന്നു വഫ ഫിറോസ്. ശ്രീറാമുമായി അടുത്ത ബന്ധമുണ്ടായിരുന്നു ഇവര്ക്ക്. പാതിരാത്രിയില് ശ്രീറാം ആവശ്യപ്പെട്ടതിനെ തുടര്ന്നാണ് ഇവര് കാറുമായി മദ്യപിച്ച് ലക്കുകെട്ട ശ്രീറാമിനെ കൂട്ടാന് പോയത്. അപകടം വിവദമായതിനെ തുടര്ന്ന് ഭര്ത്താവ് വഫയില്നിന്നും വിവാഹമോചനം നേടി.
വിവാഹമോചന നോട്ടീസിന് മറുപടിയുമായി ടിക് ടോക്കില് തന്നെ വഫ രംഗത്ത് എത്തിയിരുന്നു. വിവാഹമോചനം ആവശ്യപ്പെട്ടു വഫക്ക് ഭര്ത്താവ് ഫിറോസ് അയച്ച വക്കീല് നോട്ടീസിലെ ആരോപണങ്ങള് മുഴുവന് തെറ്റാണെന്നും അവര് ആറു വിഡിയോകളിലൂടെ വിശദീകരിക്കുന്നു.
വിഡിയോയില് പറയുന്നത് ഇങ്ങനെ:
‘ഈ വിഡിയോ എന്നെയും ഫിറോസിനെയും അറിയാത്തവര്ക്ക് വേണ്ടിയുള്ളതാണ്. നിങ്ങള് കരുതുന്നതു പോലെ ഫിറോസ് എന്ന വ്യക്തി എന്നെ കല്യാണം കഴിച്ചതിന് ശേഷം മാത്രം ഒരു ഭര്ത്താവെന്ന നിലയില് മനസിലാക്കിയ ആളല്ല. എന്റെ കുഞ്ഞിലേ, അതായത് മൂന്നോ നാലോ വയസു മുതലേ എന്നെ കാണുന്ന വ്യക്തിയാണ്. ഞാന് കുഞ്ഞായിരുന്നപ്പോള് അദ്ദേഹത്തെ അങ്കിള് എന്ന് വിളിക്കുമായിരുന്നു. ഞങ്ങള് തമ്മില് 13 വര്ഷത്തെ പ്രായവ്യത്യാസമുണ്ട്. അദ്ദേഹം എന്റെ അയല്ക്കാരനാണ്. നാലു വീട് അപ്പുറം. മാത്രമല്ല, അദ്ദേഹം എന്റെ അകന്ന ബന്ധുവുമാണ്. അങ്ങനെയാണ് ഇങ്ങനെയൊരു വിവാഹാലോചന വരുന്നതും വയസ് പോലും നോക്കാതെ പപ്പയും മമ്മിയും വിവാഹം നടത്തുന്നതും.
അപകടത്തിന് ശേഷം ഫിറോസ് മൂന്ന് ദിവസത്തേക്ക് നാട്ടില് വന്നു. എന്നാല് പുള്ളിക്കാരന് എന്നെയും മോളെയും വന്നു കാണാന് കൂട്ടാക്കിയില്ല. അദ്ദേഹത്തിന്റെ കസിന്സായ സവാന്, നാസിര് എന്നിവരോടൊപ്പമായിരുന്നു തിരുവനന്തപുരത്ത് താമസിച്ചത്. എന്നാല് നേരത്തെ ഫിറോസാണ് എന്റെ കസിന്സിനെയെല്ലാം വിളിച്ചിട്ട് വഫയുടെ അടുത്തുപോകണം, സപ്പോര്ട്ട് ചെയ്യണം, വഫയെ എത്രയും പെട്ടെന്ന് പൊലീസ് സ്റ്റേഷനില് നിന്നിറക്കണം, എല്ലാ നിലയിലും വഫയുടെ കൂടെ നില്ക്കണമെന്നൊക്കെ പറഞ്ഞത്. എന്നാല് നാട്ടില് വന്ന ശേഷം പുള്ളിക്കാരന് എന്തു സംഭവിച്ചു എന്നറിയില്ല. ആരെങ്കിലും അവിഹിത സ്വാധീനം ചെലുത്തിയോ എന്നുമറിയില്ല. മീഡിയക്ക് ഇതിനകത്ത് ഒത്തിരി പങ്കുണ്ട്. അവര് പറഞ്ഞതെല്ലാം ഒരു സാധാരണക്കാരന് ഉള്ക്കൊള്ളാന് പറ്റുന്ന കാര്യങ്ങളൊന്നും ആയിരുന്നില്ല. കുറേ സ്റ്റോറീസ് ഇറങ്ങിയിട്ടുണ്ടായിരുന്നു. അദ്ദേഹവും അത് വിശ്വസിച്ചു. 19 വര്ഷം അദ്ദേഹം കണ്ട വഫയല്ല. ഒരാഴ്ച യു ട്യൂബിലും അതിലുമിതിലും കാണിച്ച വഫയാണ് യഥാര്ഥമെന്ന് അദ്ദേഹവും വിശ്വസിച്ചു.
എനിക്കെതിരെ കുറേ ആരോപണങ്ങള് ഉണ്ടായിരുന്നു. ആദ്യം പറയാനുള്ളത് ഗര്ഭഛിദ്രം നടത്തിയതിനെക്കുറിച്ചാണ്. എന്റെ മകള്ക്ക് ഇപ്പോള് 16 വയസ്സായി. അവള്ക്ക് രണ്ടു വയസ്സുള്ളപ്പോള് അവള് കുഞ്ഞാണെന്ന് കരുതി അദ്ദേഹം തന്നെയാണ് എനിക്ക് നാട്ടിലേക്ക് പോകാന് വിമാന ടിക്കറ്റെടുത്ത് തന്നത്. അദ്ദേഹം എനിക്കയച്ച വക്കീല് നോട്ടീസില് എഴുതിയിട്ടുണ്ട്, വഫ ഒന്നും സമ്ബാദിക്കുന്നില്ല, ഞാനാണ് എല്ലാം വഫക്ക് കൊടുക്കുന്നതെന്ന്. പിന്നെങ്ങനെ ഞാന് ടിക്കറ്റെടുക്കും? അദ്ദേഹം അന്ന് നാട്ടില് പഠിക്കുകയായിരുന്ന എന്റെ ബ്രദറിനെ വിളിച്ച് അവനാണ് അന്ന് എന്നെ കൊണ്ടുപോകുന്നത്. ഫിറോസ് അയച്ച വക്കീല് നോട്ടീസ് കണ്ടിട്ട് എനിക്ക് ഒന്നും മനസിലായില്ല. അത് കണ്ടിരിക്കുക മാത്രമാണ് ഞാന് ചെയ്തത്. ഞാന് മഹല്ലിനോട് പോലും പ്രതികരിച്ചില്ല. കാരണം അദ്ദേഹം ഇങ്ങനെ തിരിച്ചടിക്കുമെന്ന് ഞാന് കരുതിയില്ല.
പിന്നെ പറയുന്ന ആരോപണം, ഞാന് ബാറില് പോകുമെന്നും കുടിക്കുമെന്നുമൊക്കെ. അഞ്ച് വര്ഷമായി അബുദാബിയില്. ഇന്നേവരെ ഒരു ബാറിലോ മദ്യം കൊടുക്കുന്ന സാധാരണ ഒരു സ്ഥലത്ത് പോലും ഞാന് പോയിട്ടില്ല. നിങ്ങളാരെങ്കിലും എന്നെ കണ്ടിട്ടുണ്ടോ അബുദാബിയില്? ക്ലബിങ്ങൊക്കെ ചെയ്യുന്ന ഒരുപാടു പേരില്ലേ, കണ്ടിട്ടുണ്ടോ? ഞാന് പോയിട്ടില്ല. മോളെ ട്യൂഷന് വിടാനും മറ്റുമാണ് ഞാന് വെളിയിലിറങ്ങിക്കൊണ്ടിരുന്നേ. 2012 അല്ലെങ്കില് 2013ലാണ് ഞാനാദ്യമായിട്ട് ഒരു ഡാന്സ് പാര്ട്ടി കാണുന്നത്. അന്ന് കൂട്ടുകാരോടൊപ്പം അവിടെ പോവുകയും അവിടുത്തെ ബഹളവും മറ്റും കണ്ടിട്ട് 10 മിനിറ്റിനുള്ള ഞങ്ങള് ചാടിയിറങ്ങുകയാണ് ചെയ്തത്. അല്ലാതെ ജീവിതത്തില് ഇന്നേവരെ ഞാന് ക്ലബിങ്ങിനും ഡാന്സ് പാര്ട്ടിക്കോ മദ്യം കഴിക്കാനോ പോയിട്ടില്ല.
അടുത്ത ആരോപണം, ബിസിനസ്. ഫിറോസിന്റെ ബിസിനസെല്ലാം ഞാന് കാരണമാണ് തകര്ന്നത് എന്നു പറഞ്ഞു. ജോര്ജ് എന്നൊരു വ്യക്തിയുമായിട്ടാണ് ഫിറോസ് ബിസിനസ് തുടങ്ങിയത്. ജോര്ജ് വളരെ സ്മാര്ട്ടായ ഒരാളാണ്. ഞാന് കണ്ടിട്ടുള്ളതില് ഭയങ്കര സ്മാര്ട്ടായ ഒരാള്. ഫിറോസ് ബഹ്റൈനില് ബിസിനസ് തുടങ്ങിയപ്പോള് ഷിയാ-സുന്നി പ്രശ്നം നടക്കുകയായിരുന്നു. ഫിറോസിന് ഒരു ബിസിനസും കിട്ടാതെയായി. അവസാനം ജോര്ജ് കൈവിട്ടു. രണ്ടു വര്ഷം മാത്രമേ ഞങ്ങള്ക്ക് ബഹ്റൈനില് നില്ക്കാന് പറ്റിയുള്ളൂ. ആ ഒരു ബിസിനസിന്റെ ഉത്തരവാദിത്തം എന്റെ തലയില് എന്തുകൊണ്ട് ഫിറോസ് കൊണ്ടിട്ടതെന്ന് എനിക്കിപ്പോഴും അറിയില്ല. സാധാരണ ആണുങ്ങളുടെ കൈയിലാണ് ബിസിനസെല്ലാം ഇരിക്കുക. ഇങ്ങനെയൊരു പെണ്ണായ ഞാന് അതിന്റെ തകര്ച്ചക്ക് എങ്ങനെ കാരണമായി എന്ന് ഫിറോസ് തന്നെയാണ് പറയേണ്ടത്, എനിക്കറിയില്ല.
അടുത്ത ആരോപണം എന്താണെന്ന് പറയാന് എനിക്ക് നാണക്കേടുണ്ട്. അന്യപുരുഷന്മാരുമായി സമ്ബര്ക്കം എന്നാണ് പറഞ്ഞിരിക്കുന്നത്. ശ്രീറാം എന്റെ വെറുമൊരു ഫ്രണ്ടാണെന്ന് ഞാന് അദ്ദേഹത്തിനോട് പറഞ്ഞു. അതില് ഒരു രീതിയിലുള്ള വൃത്തികേടുമില്ല. അത് ഞാന് അദ്ദേഹത്തിന്റെയടുത്ത് മാത്രമല്ല, സാധാരണ ജനങ്ങളോടും പറയുകയാണ്. രാത്രി ഒരു മണിക്ക് ഇറങ്ങിപ്പോയ പെണ്ണ് തന്നെയാണ് ഞാന്. പക്ഷേ, ഞാനത് വൃത്തികേട് ആലോചിച്ചോണ്ടല്ല പോയത്. എനിക്ക് ഡ്രൈവിങ് വളരെയിഷ്ടമാണ്. ഭയങ്കര ആത്മവിശ്വാസവുമാണ്. ഞാനങ്ങനെ ഇറങ്ങിപ്പോയതാണ്. അതില് എന്റെ മനസില് എന്തെങ്കിലും വൃത്തികേടുണ്ടെങ്കില് ഞാനെന്റെ മകളുടെയടുത്ത് യാത്ര പറഞ്ഞിട്ട് പോകില്ല. കുറച്ചു ആള്ക്കാര്ക്കെങ്കിലും വിശ്വാസമുണ്ടെങ്കില് വിശ്വസിക്കൂ. പ്ലീസ്. ആ അപകടം പറ്റിപ്പോയി. കൈയിന്ന് വിട്ടുപോയി.
ഫിറോസിനെ താന് നിര്ബന്ധിച്ച് കാര് വാങ്ങിപ്പിച്ചു എന്ന ആരോപണവും വഫ നിഷേധിക്കുന്നു. ഫിറോസ് ബഹ്റൈനിലായിരുന്നപ്പോള് തന്റെ പേരില് ബാങ്ക് വായ്പയെടുത്ത് വാങ്ങിച്ചതാണെന്ന് വഫാ രേഖകള്സഹിതം ഏറ്റവും ഒടുവില് പോസ്റ്റ് ചെയ്ത വിഡിയോയില് വ്യക്തമാക്കുന്നു. എന്തിനാണ് എന്റെ പേരില് വായ്പയെടുത്ത് കാര് വാങ്ങിക്കുന്നത് എന്ന് ചോദിച്ചപ്പോള്, എങ്ങാനും എനിക്ക് വായ്പ തിരിച്ചടക്കാന് സാധിച്ചില്ലെങ്കില് വഫയുടെ പപ്പ അടക്കുമല്ലോ എന്നായിരുന്നു മറുപടി. 8,25,000 രൂപ വിലയുള്ള കാറാണ് വാങ്ങിച്ചത്. അങ്ങനെ ഒരു അപകടം ഉണ്ടായപ്പോള് പുള്ളിക്കാരന് ഈ കാര്യത്തിലും എന്നെ കൈവിട്ടുവെന്നും വഫ വീഡിയോയില് പറയുന്നു.
കേസിന്റെ നാള്വഴികള് പിന്നിട്ടു. വഫ ജയിലിലും കിടന്നു. ശ്രീറാമും അവരെ കൈവിട്ടു. അതേസമയം, മാധ്യമപ്രവര്ത്തകന് ബഷീറിനെ കാര് ഇടിപ്പിച്ച് കൊലപ്പെടുത്തിയ കേസിലെ പ്രതി ശ്രീറാം വെങ്കിട്ടരാമനെ ആലപ്പുഴ ജില്ലാ കലക്ടറായി നിയമിച്ച സര്ക്കാര് തീരുമാനത്തിനെതിരെ പ്രതിഷേധം വ്യാപകമായ പശ്ചാത്തലത്തില് ഔദ്യോഗിക ഫേസ്ബുക്ക് അക്കൗണ്ടിന്റെ കമന്റ് ബോക്സ് പൂട്ടി ആലപ്പുഴ ജില്ലാ കലക്ടര്. മറ്റ് 13 ജില്ലകളിലെയും കലക്ടര്മാരുടെ ഔദ്യോഗിക ഫേസ്ബുക്ക് അക്കൗണ്ടുകള് പൊതുജനങ്ങള്ക്ക് സംശയ ദുരീകരണത്തിന് ഉതകുംവിധം കമന്റ് ബോക്സുകള് ലഭ്യമാക്കിയിരിക്കെയാണ് പ്രതിഷേധം ഭയന്ന് ആലപ്പുഴ കലക്ടര് അത് പൂട്ടിയിരിക്കുന്നത്.
ശ്രീറാം വെങ്കിട്ടരാമന്റെ ഭാര്യ കൂടിയായ രേണുരാജാണ് നിലവില് ആലപ്പുഴ ജില്ലാ കലക്ടര്. അടുത്തിടെയാണ് ഇവരുടെ വിവാഹം കഴിഞ്ഞത്. രേണു രാജിനെ എറണാകുളം ജില്ലാ കലക്ടര് ആക്കി മാറ്റി നിയമിച്ചിട്ടാണ് ശ്രീറാമിനെ ആലപ്പുഴക്ക് എത്തിക്കുന്നത്. ശ്രീറാം കലക്ടര് ആയി എത്തുന്നതിനെതിരെ വ്യാപക പ്രതിഷേധമാണ് ജില്ലയില്നിന്നും ഉയരുന്നത്. കോണ്ഗ്രസ് ശക്തമായി പ്രതികരിച്ച് രംഗത്തെത്തിയിട്ടുണ്ട്. വിവിധ സംഘടനകളും രാഷ്ട്രീയ പാര്ട്ടികളും രംഗത്തുണ്ട്. അതേസമയം, മാധ്യമപ്രവര്ത്തകന് ബഷീറിനെ കാര് ഇടിപ്പിച്ച് കൊലപ്പെടുത്തിയ കേസിലെ പ്രതി ശ്രീറാം വെങ്കിട്ടരാമനെ ആലപ്പുഴ ജില്ലാ കലക്ടറായി നിയമിച്ച സര്ക്കാര് തീരുമാനത്തിനെതിരെ എം.എസ്.എഫ് മുന് ദേശീയ ഭാരവാഹി അഡ്വ. ഫാത്തിമ തഹിലിയ രംഗത്തെത്തി. മോട്ടോര് വെഹിക്കിള് ആക്ട് പ്രകാരം ട്രാന്സ്പോര്ട്ട് വാഹനങ്ങളെ നിയന്ത്രിക്കാന് റീജിയണല് ട്രാന്സ്പോര്ട്ട് അതോറിറ്റി രൂപീകരിച്ചിട്ടുണ്ടെന്നും ജില്ലകളില് അതിന്റെ ചെയര്മാന് ജില്ലാ കലക്ടര് ആണെന്നും തഹിലിയ ഫേസ്ബുക്കില് പങ്കുവെച്ച കുറിപ്പില് പറയുന്നു. ആ നിലക്ക് ആലപ്പുഴ ജില്ലയില് ഇനി മുതല് ആ ചെയര്മാന് സ്ഥാനത്ത് മാധ്യമ പ്രവര്ത്തകന് കെ.എം ബഷീറിനെ കാറിടിപ്പിച്ച് കൊലപ്പെടുത്തിയ കേസിലെ പ്രതി കടന്നുവരുമെന്നും തഹിലിയ പരിഹസിക്കുന്നു.
തഹിലിയയുടെ പോസ്റ്റിന്റെ പൂര്ണ രൂപം:
മോട്ടോര് വെഹിക്കിള് ആക്ട് പ്രകാരം ട്രാന്സ്പോര്ട്ട് വാഹനങ്ങളെ നിയന്ത്രിക്കാന് റീജിയനല് ട്രാന്സ്പോര്ട്ട് അതോറിറ്റി രൂപീകരിച്ചിട്ടുണ്ട്. ആലപ്പുഴ ജില്ലയില് കലക്ടറാണ് അതിന്റെ ചെയര്മാന്. കെ.എം ബഷീറിനെ വണ്ടിയിടിച്ച് കൊന്ന കേസിലെ പ്രതിയാണ് ആലപ്പുഴയിലെ റീജിയനല് ട്രാന്സ്പോര്ട്ട് അതോറിറ്റിയുടെ ചെയര്മാനായി നിയമിക്കപ്പെട്ടത്. ഈ സര്ക്കാര് പൊളിയല്ലേ മക്കളെ.