![](https://keralaspeaks.news/wp-content/uploads/2021/07/940003942ba9afd56b3524691a6c6793511451a75e5f74eeb2c30ba6a5a82f7de70732d1.jpg)
പത്തനംതിട്ട: കോന്നി വനം ഡിവിഷന് മേഖലയില് കാട്ടുപന്നികള് പന്നിപ്പനി ബാധിച്ച് ചത്തുവീഴുന്നത് തുടരുന്നു. വളര്ത്തുമൃഗങ്ങളിലേക്കും മനുഷ്യരിലും ഈ രോഗം ബാധിക്കുമെന്ന് ഭയാശങ്ക നാട്ടില് ശക്തമാണ്. ആശങ്ക ദുരീകരിക്കാനും ജാഗ്രത പുലര്ത്തേണ്ടത് ഏതെല്ലാം കാര്യങ്ങളില് എന്നത് സംബന്ധിച്ചും വനം അധികൃതര് ബോധവത്കരണം നടത്തുന്നില്ല. വനമേഖലയോട് ചേര്ന്ന ജനവാസ കേന്ദ്രങ്ങളിലെത്തുന്ന കാട്ടുപന്നികള് വളര്ത്തുമൃഗങ്ങളുമായി സമ്ബര്ക്കം പുലര്ത്താറുണ്ട്. ഇത് വളര്ത്തുമൃഗങ്ങളിലും വീട്ടുകാരിലും രോഗം പകരാന് കാരണമാകുമെന്നാണ് നാട്ടുകാരുടെ ഭയം.
കല്ലേലി, ഊട്ടുപാറ, മലയാലപ്പുഴ പ്രദേശങ്ങളില് ജനവാസ കേന്ദ്രങ്ങളിലും വനത്തിലും പന്നികള് ചത്തുവീഴുന്നു. ആദ്യം ചത്തവയെ പോസ്റ്റ്മോര്ട്ടം നടത്തി ലാബ് റിപ്പോര്ട്ട് വന്നപ്പോഴാണ് പന്നിപ്പനിയാണെന്ന് സ്ഥിരീകരിച്ചത്. നാടാകെ പന്നികള് പെരുകിയത് നാട്ടുകാരെ ആകെ വലക്കുകയാണ്. അതിനിടയില് ഇവ പനിബാധിച്ച് ചത്തുവീഴാനും തുടങ്ങിയത് ആശങ്കയേറ്റുന്നു. നാട്ടിന്പുറങ്ങളില് ചത്തുവീഴുന്ന പന്നികളെ വനപാലകരെത്തി കുഴിച്ചിടുകയാണ്. ഇങ്ങനെ കുഴിച്ചിടുന്നതിന് നിയോഗിക്കുന്ന ഫീല്ഡ് ജോലിയില് ഏര്പ്പെട്ടിരുന്ന വനപാലകര് ഏറെ ഭയപ്പാടിലാണ്.
Swine fluഇവരില് ചിലര്ക്ക് കോവിഡ് ബാധിക്കുകയും ഇത് പന്നിയില്നിന്നും പകര്ന്നതാകാമെന്ന സംശയവും ശക്തമായി. പോസ്റ്റ്മോര്ട്ടം നടത്തി സാമ്ബിള് വയനാട്ടിലെ വെറ്ററിനറി ലാബിലേക്ക് അയച്ചെങ്കിലും ഇത് പര്യാപ്തമെല്ലന്നും ചത്ത പന്നിയുടെ പൂര്ണ ജഡം അയക്കണമെന്ന് വെറ്ററിനറി ഡോക്ടര് ആവശ്യപ്പെടുകയും ചെയ്തതിനെ തുടര്ന്ന് മലയാലപ്പുഴയില് ചത്ത ഒരു പന്നിയുടെ ജഡം വയനാട്ടിലെത്തിച്ച് പരിശോധന നടത്തിയിരുന്നു. ഈ പരിശോധനയിലാണ് പന്നിപ്പനിയാെണന്ന് സ്ഥിരീകരിച്ചത്. കല്ലേലി, പാടം, മണ്ണാറപ്പാറ തുടങ്ങിയ മേഖലകളില് പശുക്കളെ തീറ്റക്കായി കാട്ടിലേക്ക് അഴിച്ചുവിടുകയാണ് പതിവ്. ഇവ രോഗബാധയുള്ള കാട്ടുപന്നികളുമായി സമ്ബര്ക്കപ്പെടാനുള്ള സാധ്യത ഏറെയാണ്. ഇതുസംബന്ധിച്ച് ബോധവത്കരണമാണ് ഈ മേഖലയില് നടത്തേണ്ടത്. കാട്ടുപന്നികളെ കെണി െവച്ചും വെടിെവച്ചും കൊന്ന് ഇറച്ചി പാകം ചെയ്യുന്ന സംഘങ്ങള്ക്കും രോഗബാധ ഉണ്ടാകാനുള്ള സാധ്യതയുണ്ട്.