തിരുവനന്തപുരം: ലൗ ജിഹാദുമായി ബന്ധപ്പെട്ട വിവാദത്തില് മുന് എംഎല്എ ജോര്ജ് എം തോമസിനെ തള്ളി സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന് രംഗത്ത്. ജോര്ജിന്റെ നിലപാട് തെറ്റാണെന്നും അദ്ദേഹത്തിനെതിരായ നടപടി കോഴിക്കോട് ജില്ലാ കമ്മിറ്റി തീരുമാനിക്കുമെന്നും കോടിയേരി പറഞ്ഞു. വര്ഗീയതക്കെതിരെ സിപിഎം ശക്തമായ നിലപാട് സ്വീകരിക്കുമെന്നും അദ്ദേഹം കൂട്ടിച്ചേര്ത്തു.
കേരളത്തില് വര്ഗീയ കലാപത്തിനുള്ള ശ്രമങ്ങളാണ് നടക്കുന്നതെന്നും പാലക്കാട്ടെ കൊലപാതകങ്ങള് മതസൗഹാര്ദ്ദ അന്തരീക്ഷം തകര്ക്കാനുള്ള ശ്രമത്തിന്റെ ഭാഗമാണെന്നും കോടിയേരി പറഞ്ഞു. ന്യൂനപക്ഷ വിഭാഗങ്ങള്ക്കിടയില് ആശങ്ക പരത്താനാണ് ചിലരുടെ ശ്രമമെന്നും മതത്തിന്റെ പേരില് ജനങ്ങളെ അണിനിരത്തി ഭീതി പരത്താനാണ് ശ്രമിക്കുന്നതെന്നും കോടിയേരി ആരോപിച്ചു.
സങ്കുചിത നിലപാടാണ് യുഡിഎഫ് സ്വീകരിക്കുന്നതെന്നും കൊലപാതകങ്ങളെ അവര് അപലപിച്ചില്ലെന്നും കോടിയേരി വ്യക്തമാക്കി. ലോകസഭ തെരഞ്ഞെടുപ്പ് മുന്നില് കണ്ട് വര്ഗീയ കലാപമുണ്ടാക്കാനാണ് ആര്എസ്എസ് ശ്രമിക്കുന്നതെന്നും കോടിയേരി കൂട്ടിച്ചേര്ത്തു.