![](https://keralaspeaks.news/wp-content/uploads/2021/10/n323732394d552dc43450aa63393d0c7e21c4b867b09f925036588349aed5a91fbc39eaf05.jpg)
കോഴിക്കോട്: നവരാത്രി ആഘോഷത്തിന്റ ഭാഗമായ മഹാനവമി ഇന്ന്. വിജയദശമി ദിനമായ വെള്ളിയാഴ്ച കുഞ്ഞുങ്ങളെ എഴുത്തിനിരുത്തും. ക്ഷേത്രങ്ങളില് വിദ്യാരംഭചടങ്ങുകള് നടക്കും. നൃത്ത, സംഗീത വിദ്യാലയങ്ങളിലും വിജയദശമിയില് ചടങ്ങുകള് നടക്കും.
കഴിഞ്ഞ വര്ഷം കോവിഡ് കാരണം കര്ശന നിബന്ധനകളോടെയായിരുന്നു ചടങ്ങുകള് നടത്തിയത്. ഇത്തവണയും നിയന്ത്രണമുണ്ട്. വിവിധ ക്ഷേത്രങ്ങളിലും പ്രത്യേകവേദികളിലും ബുധനാഴ്ച ദുര്ഗാഷ്ടമി ദിനത്തില് പുസ്തകങ്ങളുടെ പൂജവെപ്പ് നടന്നു. പുസ്തകത്തിനൊപ്പം സംഗീതോപകരണങ്ങളും ആയുധങ്ങളും പൂജക്കു വച്ചു. ഇവ വിജയദശമി നാളിലാണ് തിരിച്ചെടുക്കുക.
മഹാനവമി ദിനത്തില് ക്ഷേത്രങ്ങളില് പ്രത്യേക പൂജകളും മറ്റും നടക്കും. കേരളത്തിലെ വിജയദശമി ആഘോഷങ്ങള്ക്കൊപ്പം കര്ണാടകയില് ദസറയും പശ്ചിമ ബംഗാളില് ദുര്ഗപൂജയും ആഘോഷിക്കും.