ഇരുട്ടു വീണാൽ തിളങ്ങുന്ന അപൂർവ്വ വനം; അവതാറിലെതു പോലെ അത്ഭുത കാഴ്ച കാണാൻ മഹാരാഷ്ട്രയിലെ ഈ വന്യജീവി സങ്കേതത്തിലെത്തിയാൽ മതി: വിശദാംശങ്ങളും അതിമനോഹരമായ ചിത്രങ്ങളും കാണാം.

‘അവതാര്‍’ സിനിമയിലെ ‘പാണ്ടോര’ പോലെ തിളങ്ങുന്ന ഒരു കാട് കാണാൻ ആർക്കായാലും കൊതിയുണ്ടാവും. നമ്മുടെ രാജ്യത്ത് അങ്ങനെ തിളങ്ങുന്ന ഒരിടം ഉണ്ടാവുമെന്ന് നിങ്ങള്‍ കരുതുന്നുണ്ടോ? എന്നാല്‍ അങ്ങനെ ഒരിടമുണ്ട്. മാഹാരാഷ്ട്രയിലെ അത്യപൂര്‍വ്വമായ ഒരു വനം നിങ്ങളെ കാത്തിരിക്കുന്നുണ്ട്. ഈ വനത്തിന്‍റെ ഏറ്റവും വലിയ പ്രത്യേകത ഇരുട്ട് വീണാല്‍ പ്രകാശിതമാകുമെന്നത് തന്നെ.

കേള്‍ക്കുമ്ബോള്‍ അതിശയം തോന്നുന്നുണ്ടോ? എങ്കില്‍ അവിശ്വസിക്കേണ്ട. നേരെ വണ്ടി പിടിക്കാം. ഭീമാശങ്കർ വന്യജീവി സങ്കേതം (Bhimashankar Wildlife Reserve) നിങ്ങളെ അത്ഭുതപ്പെടുത്തും. ഇരുട്ട് വീഴുമ്ബോള്‍ സ്വയം പ്രകാശിതമാകുന്ന കാട് സന്ദര്‍ഷകരെ ആകര്‍ഷിച്ച്‌ തുടങ്ങി. അവതാര്‍ സിനിമയിലെ പ്രദേശങ്ങളിലൂടെ കടന്ന് പോയ അനുഭവം ജീവിതത്തില്‍ നേരിട്ട് ലഭിക്കണമെങ്കില്‍ ഭീമാശങ്കറിലെ കാട്ടുവഴികളിലൂടെ നടക്കണം.