ബില്ക്കീസ് ബാനു കൂട്ടബലാത്സംഗക്കേസില് വിട്ടയച്ച 11 പ്രതികളും രണ്ടാഴ്ചക്കുള്ളില് കീഴടങ്ങണമെന്ന് സുപ്രീംകോടതി. ഗുജറാത്ത് സര്ക്കാറിന്റെ നടപടി ചട്ടവിരുദ്ധവും നിയമവിരുദ്ധവുമാണെന്ന് ചൂണ്ടിക്കാട്ടി പ്രതികളുടെ ശിക്ഷായിളവ് കോടതി റദ്ദാക്കിയിരുന്നു. ദൈര്ഘ്യമേറിയ വിധിപ്രസ്താവമാണ് കോടതിയില് ഇന്നുണ്ടായത്. ഗുജറാത്ത് സര്ക്കാറിന് പ്രതികളെ വിട്ടയക്കാൻ അധികാരമില്ല. മഹാരാഷ്ട്രയില് വിചാരണ നടന്ന കേസായതിനാല് മഹാരാഷ്ട്ര സര്ക്കാറാണ് പ്രതികള്ക്ക് ശിക്ഷാ ഇളവ് സംബന്ധിച്ച തീരുമാനം എടുക്കേണ്ടത്.
ഗുജറാത്ത് സര്ക്കാര് പ്രതികളുമായി ഒത്തുകളിച്ചും നിയമവ്യവസ്ഥയെ അട്ടിമറിച്ചും ഇല്ലാത്ത അധികാരം ഉപയോഗിച്ചുമാണ് വിട്ടയച്ചത്. അധികാര ദുര്വിനിയോഗം ചെയ്തതിന്റെ പേരില് സര്ക്കാര് ഉത്തരവ് റദ്ദാക്കുകയാണെന്നും ജസ്റ്റിസുമാരായ ബി.വി. നാഗരത്ന, ഉജ്ജല് ഭൂയാൻ എന്നിവരടങ്ങിയ ബെഞ്ച് ചൂണ്ടിക്കാട്ടി. പ്രതികള് കോടതിയെ തെറ്റിദ്ധരിപ്പിച്ചു. തട്ടിപ്പിലൂടെയാണ് പ്രതികള് നേരത്തെ അനുകൂല വിധി നേടിയത്. പ്രതികള് സഹാനുഭൂതി അര്ഹിക്കുന്നില്ലെന്നും കോടതി വ്യക്തമാക്കി.
2002ലെ ഗുജറാത്തു കലാപത്തിനിടെ ബില്ക്കീസ് ബാനുവിനെ സംഘം ചേര്ന്നു പീഡിപ്പിക്കുകയും കുടുംബത്തിലെ ഏഴു പേരെ കൊലപ്പെടുത്തുകയും ചെയ്ത 11 പ്രതികളെയാണ് ശിക്ഷ തീരുംമുമ്ബ് വിട്ടയച്ചത്.ബി.ജെ.പി സര്ക്കാര് നടപടി വ്യാപക പ്രതിഷേധത്തിന് ഇടയാക്കിയിരുന്നു. ജയിലില്നിന്നിറങ്ങിയ പ്രതികളെ മാലയിട്ടും മധുരം നല്കിയുമാണ് സ്വീകരിച്ചത്. വി.എച്ച്.പി ഓഫിസിലടക്കം പ്രതികള്ക്ക് സ്വീകരണം നല്കിയിരുന്നു. ജസ്വന്ത്ഭായ്, ഗോവിന്ദ്ഭായ്, ശൈലേഷ് ഭട്ട്, രാധേശ്യാം ഷാ, ബിപിൻചന്ദ്ര ജോഷി, കേസര്ഭായ് വൊഹാനിയ, പ്രദീപ് മൊറാദിയ, ബക്ഭായ് വൊഹാനിയ, രാജുഭായ് സോണി, മിതേഷ് ഭട്ട്, രമേഷ് ചന്ദ്രാന എന്നിവരാണ് മോചിതരായത്.