മണിപ്പൂരില് ജൂലൈയില് കാണാതായ രണ്ട് വിദ്യാര്ത്ഥികളുടെ മൃതദേഹങ്ങളുടെ ചിത്രങ്ങള് സാമൂഹ്യമാധ്യമങ്ങളില് പ്രചരിക്കുന്നു. മെയ്തി സമുദായത്തില്പെട്ട ലിന്തോയിങ്കമ്ബി (17), ഫിജാം ഹേംജിത്ത്(20) എന്നീ വിദ്യാര്ത്ഥികളുടെ മൃതദേഹങ്ങളാണ് ചിത്രത്തില്.
ഒരു സായുധസംഘത്തിന്റെ കാടിനകത്തുള്ള താല്കാലിക ക്യാമ്ബിന് സമീപത്തെ പുല്ത്തകിടിയിലാണ് മൃതദേഹങ്ങളുള്ളത്. വംശീയ കലാപത്തിനിടെയാണ് രണ്ടുപേരെയും കാണാതായത്. ചിത്രങ്ങള് സാമൂഹ്യമാധ്യമങ്ങളിലൂടെ പ്രചരിച്ചതോടെ വന് പ്രതിഷേധമാണ് ഉയരുന്നത്. വിഷയത്തില് വേഗത്തില് തന്നെ കൃത്യമായ നടപടി സ്വീകരിക്കുമെന്ന് മണിപ്പൂര് സര്ക്കാര് അറിയിച്ചു.
രണ്ടാമത്തെ ചിത്രത്തില് അവരുടെ മൃതദേഹങ്ങള് പുല്ലില് ചെരിഞ്ഞ് കിടക്കുന്നതാണ് കാണുന്നത്.സെൻട്രല് ബ്യൂറോ ഓഫ് ഇന്വെസ്റ്റിഗേഷന് കേസന്വേഷണം ആരംഭിച്ചെങ്കിലും മൃതദേഹങ്ങള് ഇതുവരെ കണ്ടെത്താനായിട്ടില്ല. കൊല്ലപ്പെടുന്നതിന് മുന്പെടുത്ത ചിത്രത്തില് വിദ്യാര്ത്ഥികളുടെ പിന്നില് തോക്കുധാരികളായ രണ്ടുപേരെയും കാണാം. രണ്ടാമത്തെ ചിത്രത്തില് അവരുടെ മൃതദേഹങ്ങള് പുല്ലില് ചെരിഞ്ഞ് കിടക്കുന്നതാണ് കാണുന്നത്.
ഈ കേസ് രാജ്യത്തുടനീളം വന് പ്രതിഷേധത്തിന് കാരണമായിട്ടുണ്ട്. കേസ് അന്വേഷിക്കാന് പോലീസ് ഇത്രയധികം സമയമെടുക്കുന്നതെന്തുകൊണ്ടാണെന്ന ചോദ്യം ഉയര്ന്നു കഴിഞ്ഞു. ഒരു കടയില് സ്ഥാപിച്ച സിസിടിവിയില് നിന്ന് രണ്ടുപേരുടെയും ദൃശ്യങ്ങള് ജൂലൈയില് തന്നെ ലഭിച്ചിരുന്നു.