കൊൽക്കത്ത നിയമനത്തിൽ സുരേഷ് ഗോപി അതൃപ്തൻ എന്ന് ആദ്യം പോസ്റ്റിട്ടത് പാലായിലെ കോൺഗ്രസുകാരൻ എന്ന് കെ സുരേന്ദ്രൻ; ആരു വിചാരിച്ചാലും തൃശ്ശൂരിലെ സുരേഷ് ഗോപിയുടെ വിജയം തടയാൻ കഴിയില്ലെന്നും ബിജെപി സംസ്ഥാന അധ്യക്ഷൻ; ആരാണ് പാലായിലെ ആ കോൺഗ്രസുകാരൻ എന്ന് അന്വേഷിച്ച് പാലാക്കാരും: വിശദാംശങ്ങൾ വായിക്കാം.

ഇനിയും ഇത്തരം വാര്‍ത്തകള്‍ വന്നുകൊണ്ടേയിരിക്കും. അരദിവസത്തെ ആയുസ്സുപോലും ഇല്ലാത്ത കള്ളക്കഥകള്‍. സുരേഷ് ഗോപിയെ വടക്കുന്നാഥന്റെ തട്ടകം ഏറ്റെടുത്തുകഴിഞ്ഞു. ആരുവിചാരിച്ചാലും ഇനി അത് തടയാനാവില്ല.’- കെ സുരേന്ദ്രന്‍ പറഞ്ഞു. അതേസമയം കെ സുരേന്ദ്രൻ ഉദ്ദേശിച്ച പാലായിലെ കോൺഗ്രസുകാരൻ ആരാണ് എന്ന് അന്വേഷണത്തിലാണ് ഇപ്പോൾ പാലാക്കാർ. സുരേഷ് ഗോപിയുടെ ഏറ്റവും വിശ്വസ്തരും അടുപ്പക്കാരുമായ നിരവധി പാലാക്കാരുണ്ട് എന്നാൽ അവരാരും ഇപ്പോൾ സജീവ കോൺഗ്രസ് പ്രവർത്തകർ അല്ല താനും.

ഫേസ്ബുക്ക് പോസ്റ്റിന്റെ പൂർണ്ണരൂപം ചുവടെ

ബഹുമാന്യനായ സുരേഷ് ഗോപിയുടെ പേരും പറഞ്ഞ് രാവിലെ മുതല്‍ മലയാളം ചാനലുകള്‍ എന്തെല്ലാം വൃത്തികേടുകളാണ് പറഞ്ഞുകൊണ്ടിരിക്കുന്നത്. തുടങ്ങിയത് പതിവുപോലെ ‘അതേ’ചാനല്‍. പിന്നെ കാക്കക്കൂട്ടം പോലെ എല്ലാവരും ചേര്‍ന്ന് ആക്രമണം. ഒരു വാര്‍ത്ത കൊടുക്കുന്നതിനുമുന്‍പ് വസ്തുത എന്തെന്നെങ്കിലും പരിശോധിക്കാനുള്ള ബാധ്യതയില്ലേ ഇത്തരക്കാര്‍ക്ക്. ഇത് കോണ്‍ഗ്രസ്സ് അജണ്ടയാണ്. പാലാക്കാരനായ ഒരു കോണ്‍ഗ്രസ്സുകാരനാണ് ആദ്യം ഇത് സാമൂഹ്യമാധ്യമത്തില്‍ പോസ്റ്റിടുന്നത്. ‘അതേ’ചാനലിലെ കോണ്‍ഗ്രസ്സ് ഏജന്റായ റിപ്പോര്‍ട്ടറാണ് ആദ്യം ഇത് ബ്രേക്ക് ചെയ്യുന്നത്. തൃശ്ശൂരില്‍ പ്രതാപന്റെ വിജയം ഉറപ്പുവരുത്താന്‍ ഈ സംഘം ഏതറ്റംവരെയും പോകുമെന്ന് അറിയാത്തവരല്ല ഞങ്ങള്‍. ഇനിയും ഇത്തരം വാര്‍ത്തകള്‍ വന്നുകൊണ്ടേയിരിക്കും . അരദിവസത്തെ ആയുസ്സുപോലും ഇല്ലാത്ത കള്ളക്കഥകള്‍. സുരേഷ് ഗോപിയെ വടക്കുന്നാഥന്റെ തട്ടകം ഏറ്റെടുത്തുകഴിഞ്ഞു. ആരുവിചാരിച്ചാലും ഇനി അത് തടയാനാവില്ല.