കോട്ടയത്ത് ഓടിക്കൊണ്ടിരുന്ന കാർ നിന്ന നിൽപ്പില്‍ കത്തിക്കരിഞ്ഞു; ഗുരുതരമായി പൊള്ളലേറ്റ ഡ്രൈവർ മെഡിക്കൽ കോളേജ് ആശുപത്രിയിൽ: വീഡിയോ ദൃശ്യങ്ങൾ കാണാം.

പാണ്ടൻചിറയില്‍ ഓടിക്കൊണ്ടിരുന്ന കാറിന് തീപിടിച്ചു. വാകത്താനം പാണ്ടൻ ചിറ ഓട്ടക്കുന്ന് വീട്ടില്‍ ഓട്ടക്കുന്നേല്‍ സാബുവിന്റെ കാറിനാണ് തീപിടിച്ചത്. യാത്ര കഴിഞ്ഞു വീടിന് സമീപമെത്തിയപ്പോള്‍ വലിയ ശബ്ദത്തോടെ കാറിന് തീപിടിക്കുകയായിരുന്നു.

കാര്‍ പൂര്‍ണമായും കത്തി നശിച്ചു. നാട്ടുകാര്‍ വളരെയധികം കഷ്ടപ്പെട്ടാണ് സാബുവിനെ പുറത്തെടുത്തത്. ഗുരുതരമായി പൊള്ളലേറ്റ സാബുവിനെ കോട്ടയം മെഡിക്കല്‍ കോളേജ് ആശുപത്രിയിലേക്ക് മാറ്റി.