ആലപ്പുഴ എംപി എ എം ആരിഫ് ഓടിച്ചിരുന്ന വാഹനം ലോറിക്ക് പിന്നിലിടച്ചു; എംപിയെ പുറത്തെടുത്തത് ഫയർഫോഴ്സ് എത്തി: വിശദാംശങ്ങൾ വായിക്കാം.

എഎം ആരിഫ് എംപിയുടെ വാഹനം അപകടത്തില്‍പ്പെട്ടു. ചേര്‍ത്തലയില്‍വെച്ചാണ് അപകടമുണ്ടായത്. നിര്‍ത്തിയിട്ട ലോറിയ്ക്ക് പിന്നില്‍ എംപിയുടെ വാഹനം ഇടിക്കുകയായിരുന്നു. എം പി തന്നെയാണ് അപകട സമയത്ത് വാഹനം ഓടിച്ചിരുന്നത്.

അപകട സമയത്ത് എം പി മാത്രമാണ് കാറിലുണ്ടായിരുന്നത്. എംപിയുടെ കാലിന് പരിക്ക് പറ്റിയിട്ടുണ്ട്. കാറിനുള്ളില്‍ കുടുങ്ങിയ എംപിയെ അഗ്നിരക്ഷാ സേന എത്തിയാണ് പുറത്തെടുത്തത്. എംപിയെ സ്വകാര്യ ആശുപത്രിയില്‍ പ്രവേശിപ്പിച്ചിരിക്കുകയാണ്. പരിക്ക് ഗുരുതരമല്ല.