ആലപ്പുഴ: തിരുവനന്തപുരത്ത് ഇന്നലെ രാത്രി എകെജി സെന്ററിനുനേരെ ബോംബേറുണ്ടായതിനു പിന്നാലെ ആലപ്പുഴയിലും ഡിവൈഎഫ്ഐയുടെ പ്രതിഷേധം. ആലപ്പുഴ നഗരത്തിലെ ഇന്ദിരാഗാന്ധി പ്രതിമയുടെ കൈ തകര്ത്തു. സംസ്ഥാനത്ത് പലയിടങ്ങളിലും പ്രതിഷേധം തുടരുകയാണ്. രാത്രി 11.25 ഓടെയാണ് എകെജി സെന്ററില് ബോംബേറുണ്ടായത്.
എകെജി സെന്ററിലെ ഹാളിലേക്കുള്ള ഗേറ്റിന് സമീപത്തെ കരിങ്കല് ഭിത്തിയിലാണ് സ്ഫോടകവസ്തു പതിച്ചത്. ഇരുചക്രവാഹനത്തില് എത്തിയ യുവാവ് കൈയിലുണ്ടായിരുന്നു സ്ഫോടകവസ്തു എറിയുകയായിരുന്നു. ആര്ക്കും പരിക്കില്ല. ഇ.പി. ജയരാജനടക്കമുള്ള മുതിര്ന്ന നേതാക്കള് സ്ഥലത്തെത്തുണ്ട്. ഭീകരമായ ബോംബ് ആക്രമണ മാണ് ഉണ്ടായതെന്ന് ഇ. പി ജയരാജന് മാധ്യമങ്ങളോട് പ്രതികരിച്ചു. കോണ്ഗ്രസ് ആക്രമങ്ങളുടെ ബാക്കി പത്രമാണ് ആക്രമണമെന്നും അദേഹം ആരോപിച്ചു.
ഇന്നലെ രാത്രി എകെജി സെന്ററിന് നേരെ നടന്ന ബോംബാക്രമണത്തില് സമാധാനപരമായ പ്രതിഷേധം ബഹുജനങ്ങളെ അണിനിരത്തി സംഘടിപ്പിക്കണമെന്ന് സിപിഐഎം സംസ്ഥാന സെക്രട്ടറി കോടിയേരി ബാലകൃഷ്ണന് പറഞ്ഞു. സംസ്ഥാനത്തെ കലാപഭൂമിയാക്കി ക്രമസമാധാനനില തകര്ന്നു എന്ന മുറവിളി സൃഷ്ടിക്കാനുള്ള ബോധപൂര്വ്വമായ പരിശ്രമങ്ങളാണ് സംസ്ഥാനത്ത് കഴിഞ്ഞ കുറച്ച് നാളുകളായി നടന്നുകൊണ്ടിരിക്കുന്നത്.
അതിന്റെ തുടര്ച്ചയാണ് എകെജി സെന്ററിന് നേരെ അക്രമണം നടത്തിയിരിക്കുന്നത്. പാര്ട്ടിയെ ജീവനുതുല്യം സ്നേഹിക്കുന്ന ജനങ്ങളെ പ്രകോപിപ്പിക്കുന്നതിനുള്ള തന്ത്രങ്ങളാണ് സംസ്ഥാനത്ത് നടന്നുകൊണ്ടിരിക്കുന്നത്. അത്തരം പ്രവര്ത്തനങ്ങളില് ഏറ്റവും സംസ്ഥാന കേന്ദ്രത്തെ അക്രമിക്കുന്ന പ്രവര്ത്തനത്തിന്റെ ഗൂഢലക്ഷ്യങ്ങളെ തിരിച്ചറിഞ്ഞ് വിവേകത്തോടെ പ്രവര്ത്തിക്കാന് പാര്ട്ടി പ്രവര്ത്തകര്ക്കാകണമെന്നും അദ്ദേഹം പറഞ്ഞു.