മുൻമന്ത്രിയും ഗവർണറും മുതിർന്ന കോൺഗ്രസ് നേതാവുമായ കെ ശങ്കരനാരായണൻ അന്തരിച്ചു.

തിരുവനന്തപുരം: മുതിര്‍ന്ന കോണ്‍ഗ്രസ് നേതാവ് കെ ശങ്കരനാരായണന്‍ അന്തരിച്ചു. 89 വയസ്സായിരുന്നു. ആറ് സംസ്ഥാനങ്ങളില്‍ ഗവര്‍ണറായി സേവനം അനുഷ്ഠിച്ച ഏക മലയാളിയാണ് ശങ്കരനാരായണന്‍. മഹാരാഷ്ട്ര, നാഗാലാൻഡ്, ജാർഖണ്ഡ് എന്നിവിടങ്ങളിൽ ഗവർണറായി. അരുണാചൽ പ്രദേശ്, അസം, ഗോവ എന്നിവിടങ്ങളുടെ അധികച്ചുമതലയും വഹിച്ചു.

നിരവധി തവണ കേരളത്തില്‍ മന്ത്രിയായിട്ടുണ്ട്. നാലുതവണ മന്ത്രിയായിരുന്ന ശങ്കരനാരായണന്‍ 16 വര്‍ഷം യുഡിഎഫ് കണ്‍വീനറായിരുന്നു. കേരളത്തിൽ വിവിധ മന്ത്രിസഭകളിൽ അംഗമായിരിക്കെ കൃഷി, ധനം, എക്സൈസ് എന്നീ വകുപ്പുകൾ അദ്ദേഹം കൈകാര്യം ചെയ്തിട്ടുണ്ട്. തൃത്താല ,ശ്രീകൃഷ്ണപുരം, ഒറ്റപ്പാലം, പാലക്കാട് മണ്ഡലങ്ങളെ പ്രതിനിധീകരിച്ചാണ് അദ്ദേഹം കേരള നിയമസഭയിൽ അംഗമായത്. 1986 മുതൽ 2001 വരെ യുഡിഎഫ് കൺവീനറായും അദ്ദേഹം സേവനമനുഷ്ഠിച്ചു.