കേന്ദ്രമന്ത്രി വി മുരളീധരൻറെ ചിത്രത്തിനു പകരം പാർലമെൻറ് അംഗം കെ മുരളീധരൻറെ ചിത്രം: കേന്ദ്ര ഗവൺമെൻറ് പുറത്തിറക്കിയ ഹു ഈസ് ഹു പുസ്തകങ്ങൾ തിരികെ
വാങ്ങുന്നു.

ന്യൂഡല്‍ഹി : വി മുരളീധരന് പകരം കെ മുരളീധരന്‍!പാര്‍ലമെന്റിലെ ആര് ആരൊക്കെ എന്നറിയാന്‍ തയാറാക്കിയ ‘ഹു ഈസ് ഹു’ കൈപ്പുസ്തകത്തിലാണ് ഈ തെറ്റ്. പാര്‍ലമെന്ററികാര്യ സഹമന്ത്രിയുടെ ചിത്രം മാറിപ്പോയി എന്നതാണ് വസ്തുത. മന്ത്രി വി. മുരളീധരന്റെ ചിത്രത്തിനു പകരം കോണ്‍ഗ്രസ് അംഗം കെ. മുരളീധരന്റെ ചിത്രം ഉള്‍പ്പെടുത്തിയാണ് കൈപ്പുസ്തകം തയാറാക്കിയത്.

ഈ പിഴവില്‍ വിദേശകാര്യമന്ത്രാലയം അന്വേഷണവും നടത്തും. ചെറുതെങ്കിലും ഗുരുതരമായ വീഴ്ചയാണ് ഉണ്ടായതെന്നാണ് വിലയിരുത്തല്‍. മന്ത്രിമാരെ പരിചയപ്പെടുത്തുന്ന ഭാഗത്താണ് വി.മുരളീധരന്റെ വിലാസത്തിനും ഫോണ്‍ നമ്ബറുകള്‍ക്കുമൊപ്പം കെ. മുരളീധരന്റെ ചിത്രം കൊടുത്തിരിക്കുന്നത്. എംപിമാര്‍ക്കു വിതരണം ചെയ്ത ശേഷമാണ് അബദ്ധം തിരിച്ചറിഞ്ഞത്. എല്ലാവരോടും പുസ്തകം തിരിച്ചു വാങ്ങിക്കൊണ്ടിരിക്കുകയാണിപ്പോള്‍.