തലശ്ശേരി ഇന്ദിരാഗാന്ധി സഹകരണ ആശുപത്രിയുടെ ചെയര്മാനും കോണ്ഗ്രസ് നേതാവുമായ മമ്ബറം ദിവാകരനെഅച്ചടക്ക ലംഘനത്തിന്റെ പേരില് പാര്ട്ടിയില്നിന്ന് പുറത്താക്കിയതായി കെപിസിസി ജനറല് സെക്രട്ടറി ടി.യു രാധാകൃഷ്ണന് അറിയിച്ചു. ഇന്ദിരാഗാന്ധി സഹകരണ ആശുപത്രി തെരഞ്ഞെടുപ്പില് പാര്ട്ടി പാനലിനെതിരെ മത്സരിക്കുന്നതിനെ തുടര്ന്നാണ് നടപടി.
കണ്ണൂര് ഡിസിസി അംഗീകരിച്ച കോണ്ഗ്രസിന്റെ ഔദ്യോഗിക പാനലിനെതിരെ ബദല് പാനലില് മത്സരിക്കുകയാണ് നിലവിലെ പ്രസിഡന്റ് മമ്ബറം ദിവാകരന്. അതിനാലാണ് അദ്ദേഹത്തെ പാര്ട്ടിയില്നിന്നു പുറത്താക്കുന്നതെന്നും രാധാകൃഷ്ണന് പറഞ്ഞു.
കെപിസിസി അധ്യക്ഷനായി കെ സുധാകരന് എത്തുന്നത് ചിന്തിക്കാന് പോലും കഴിയാത്ത നേതാവായിരുന്നു മമ്ബറം ദിവാകരന്. സുധാകരനെ ഒഴിവാക്കാന് അവസാന വട്ട ശ്രമങ്ങള് നടത്തുകയും മമ്ബറം ദിവാകരന് ചെയ്തിരുന്നു. കണ്ണൂര് കോണ്ഗ്രസിലെ തമ്മില്ടിയില് ഇരുപക്ഷത്ത് നില്ക്കുന്ന നേതാക്കളാണ് സുധാകരനും ദിവാകരനും. ഈ സാഹചര്യത്തിലാണ് കെ.സുധാകരന് പകരം പി.സി വിഷ്ണുനാഥോ, പി.ടി തോമസോ കെപിസിസി അധ്യക്ഷനാകുന്നതാണ് പാര്ട്ടിക്ക് ഗുണകരമെന്ന് മമ്ബറം ദിവാകരന് പ്രതികരിച്ചത്. ഇതിന്റെ തുടര്ച്ചയാണ് ഇപ്പോഴത്തെ സംഭവങ്ങള്.