നെടുമങ്ങാട്: ജില്ല ആശുപത്രിയില് ജീവനക്കാർ തമ്മില് ഏറ്റുമുട്ടി. സംഭവത്തെ തുടര്ന്ന് പൊലീസ് കേസെടുത്തു. ഞായറാഴ്ച രാവിലെ 11മണിയോടെയാണ് സംഭവം ഉണ്ടായത് . ക്ലീനിങ് വിഭാഗത്തിലെ ജീവനക്കാരായ മിനി, ഹസീന എന്നിവര് തമ്മിലാണ് സംഘർഷമുണ്ടായത്.
കഴിഞ്ഞ കുറേദിവസമായി ക്ലീനിങ് തൊഴിലാളികള് തമ്മില് ആശുപത്രിയില് നിരന്തരം വാക്കേറ്റവും അസഭ്യം പറച്ചിലും പതിവായിരുന്നു. ഞായറാഴ്ച രാവിലെ ഇക്കാര്യങ്ങള് ചോദിക്കാനും പറഞ്ഞു വിലക്കാനുമായി മിനിയുടെ ഭര്ത്താവും സ്ഥലത്തെത്തിയിരുന്നു. എന്നാല് ഇയാള് കാര്യങ്ങള് ചോദിച്ച് മനസ്സിലാക്കുന്നതിനിടയില് മിനി ഹസീനയെ മര്ദിക്കുകയായിരുന്നു. തുടര്ന്ന് പരസ്പരം അടിയായി. ഇരുവര്ക്കും പരിക്കേറ്റു.