ആൺകുഞ്ഞിന് ജന്മം നൽകി നടി അമല പോൾ; കുഞ്ഞുമായി താരം വീട്ടിലെത്തുന്ന വീഡിയോ പങ്കുവെച്ച് ഭർത്താവ്: വീഡിയോ ദൃശ്യങ്ങൾ കാണാം.

സിനിമാതാരം അമല പോള്‍ അമ്മയായി. ഇൻസ്റ്റഗ്രാമില്‍ പങ്കുവെച്ച വീഡിയോയിലൂടെ അമലയുടെ ഭർത്താവ് ജഗത് ദേശായിയാണ് കുഞ്ഞ് പിറന്ന വിവരം അറിയിച്ചത്. ജൂണ്‍ 11 നായിരുന്നു കുഞ്ഞിൻറെ ജനനം എന്നും പോസ്റ്റില്‍ ജഗത് പറയുന്നുണ്ട്.

“ഇറ്റ്സ് എ ബോയ്!!, മീറ്റ് അവർ ലിറ്റില്‍ മിറാക്കിള്‍, ഇളയ്” എന്ന ക്യാപ്ഷനോടെ ആണ് കുഞ്ഞിന്റെയും കുഞ്ഞുമായി വീട്ടിലേക്ക് കടന്നുവരുന്ന അമലാ പോളിന്റെയും വീഡിയോ ജഗത് പങ്ക് വെച്ചിരിക്കുന്നത്. വീഡിയോയുടെ താഴെ ആശംസകളുമായി താരങ്ങള്‍ ഉള്‍പ്പെടെ നിരവധിപ്പേരാണ് എത്തുന്നത്.