‘മരുമകള്‍ കുടുംബം തകര്‍ത്തു; കൊച്ചുമക്കളെ കണ്ടിട്ട് അഞ്ചു വർഷം മകനെയോര്‍ക്കുമ്ബോള്‍ ഹൃദയം നീറുന്നു’: ഇന്ത്യൻ ക്രിക്കറ്റർ രവീന്ദ്ര ജഡേജക്കും ഭാര്യയും ബിജെപി എംഎൽഎയും ആയ റിവാബക്കുമെതിരെ ഗുരുതരാരോപണങ്ങളുമായി പിതാവ്.

വിവാഹം കഴിഞ്ഞ് മൂന്നു മാസങ്ങള്‍ക്കുള്ളില്‍ തന്നെ എല്ലാം റിവാബയുടെ പേരില്‍ ആക്കണമെന്ന ആവശ്യം ഉയർന്നിരുന്നു. അവള്‍ എന്‍റെ കുടുംബത്തില്‍ പ്രശ്നങ്ങള്‍ ഉണ്ടാക്കി. അവള്‍ക്ക് കുടുംബം വേണമെന്ന ആഗ്രഹമൊന്നും ഉണ്ടായിരുന്നില്ല. സ്വതന്ത്രമായ ജീവിതമായിരുന്നു വേണ്ടത്. ഞാൻ പറയുന്നത് കളവാണെന്ന് വേണമെങ്കില്‍ പറയാം. നയ്നാബ(ജഡേജയുടെ സഹോദരി) പറയുന്നതും കളവാണെന്നു പറയാം. പക്ഷേ എങ്ങനെയാണ് ഒരു കുടുംബത്തിലെ അമ്ബത് പേരും കളവു പറയുക. എനിക്കിന് ഒന്നും ഒളിപ്പിച്ചു വയ്ക്കണമെന്നില്ല. കഴിഞ്ഞ 5 വർഷത്തോളമായി ഞാനെന്‍റെ കൊച്ചുമകളെ കണ്ടിട്ടില്ല. റിവാബയുടെ മാതാപിതാക്കള്‍ ആണ് എല്ലാം കൈകാര്യം ചെയ്യുന്നതെന്നും അനിരുദ്ധ് പറഞ്ഞു.

2016 ഫെബ്രുവരിയിലാണ് മെക്കാനിക്കല്‍ എൻജിനീയറായ റിവാബയും രവീന്ദ്രയും തമ്മിലുള്ള വിവാഹനിശ്ചയം നടന്നത്. രണ്ടു മാസത്തിനകം വിവാഹവും കഴിഞ്ഞു. എന്നാല്‍ പിതാവിന്‍റെ അഭിമുഖം മുൻകൂട്ടി ആസൂത്രണം ചെയ്തതാണെന്നും സ്ക്രിപ്റ്റഡാണെന്നും സമൂഹമാധ്യമത്തിലൂടെ ജഡേജ ആരോപിച്ചു. കാര്യങ്ങളുടെ ഒരു വശം മാത്രമാണ് അഭിമുഖത്തില്‍ പറഞ്ഞിരിക്കുന്നത്. എനിക്കും ഒരുപാട് പറയാനുണ്ട്. പക്ഷേ പരസ്യമായി അതെല്ലാം പറഞ്ഞ് വിഴുപ്പലക്കാൻ ഉദ്ദേശമില്ല. ഭാര്യയുടെ പ്രതിച്ഛായ തകർക്കാനുള്ള പിതാവിന്‍റെ ശ്രമത്തെ അപലപിക്കുന്നുവെന്നും ജഡേജ പ്രതികരിച്ചു.