മലയാള സിനിമാ പ്രേക്ഷകര്ക്ക് പുതുവര്ഷദിനസമ്മാനമായി മോഹൻലാല്-ലിജോ ജോസ് പെല്ലിശ്ശേരി ചിത്രം ‘മലൈക്കോട്ടൈ വാലിബന്റെ’ കിടിലന് ടീസര് റിലീസ് ചെയ്തു. മലയാള മനോരമയിലൂടെയാണ് 30 സെക്കൻഡുള്ള ടീസര് പുറത്തുവിട്ടത്.മാസ് ഗെറ്റപ്പിലുള്ള വാലിബന്റെ ലുക്കും പഞ്ച് ഡയലോഗുമാണ് ടീസറിനെ വേറിട്ടതാക്കുന്നത്.അകത്താരാ എന്ന വാലിബന്റെ ചോദ്യത്തിന് അകത്ത് ദേവി എന്നു പറയുന്നതും, അപ്പുറത്ത് വാലിബന് എന്നു പറയുന്നതുമാണ് ടീസറില്. 30 സെക്കന്റില് പ്രേക്ഷകരെ പിടിച്ചിരുത്തുന്ന ശൈലിയിലാണ് അവതരണം.
”ആയിരക്കണക്കിനാളുകള്, മണ്ണും പൊടിയും ചൂടും നിറഞ്ഞ പ്രയാസമേറിയ ലൊക്കേഷനുകള്. കഠിനാധ്വാനം. ഇത് സിനിമയ്ക്ക് അപ്പുറത്തേക്കുള്ള യാത്രയാണ്. അപൂര്വമായി ജീവിതത്തില് വരുന്ന അനുഭവമാണ്. ലിജോ ജോസ് പെല്ലിശേരിയുടെ മാജിക്കാണിത്.”-മോഹൻലാല് പറയുന്നു.
ഒരു അഭ്യാസിയുടെ ജീവിതം ബുദ്ധ സന്യാസികള്ക്കു സമാനമായ ജീവിതസാഹചര്യത്തില് പറയുന്ന ഫാന്റസി ത്രില്ലര് ആണ് മലൈക്കോട്ട വാലിബൻ. നായകൻ, ആമേൻ തുടങ്ങിയ ചിത്രങ്ങളില് ലിജോയ്ക്കൊപ്പം പ്രവര്ത്തിച്ചിട്ടുള്ള പി.എസ്. റഫീഖ് ആണ് മലൈക്കോട്ടൈ വാലിബന്റെ കഥ ഒരുക്കിയിരിക്കുന്നത്.ഛായാഗ്രഹണം മധു നീലകണ്ഠനും സംഗീതം പ്രശാന്ത് പിള്ളയുമാണ്.
സൊനാലി കുല്ക്കര്ണി, ഹരീഷ് പേരടി, ഡാനിഷ് സെയ്ത്, മനോജ് മോസസ്, കഥ നന്ദി, മണികണ്ഠൻ ആചാരി എന്നിവരും മറ്റ് ശ്രദ്ധേയമായ കഥാപാത്രങ്ങളെ അവതരിപ്പിക്കുന്ന മലൈക്കോട്ടൈ വാലിബൻ 2024 ജനുവരി 25 ന് തിയറ്ററുകളിലെത്തും.പിആര്ഓ പ്രതീഷ് ശേഖര്.ജോണ് ആൻഡ് മേരി ക്രിയേറ്റീവ്, മാക്സ് ലാബ്, സെഞ്ച്വറി, സരിഗമ എന്നിവര് ചേര്ന്നു നിര്മിച്ച ചിത്രം. 25നു തിയറ്ററുകളിലെത്തും.