തിരുവണ്ണാമലയിൽ കാറും ബസും കൂട്ടിയിടിച്ച് അപകടം: ഏഴു മരണം, 14 പേർക്ക് പരുക്ക്; രക്ഷാപ്രവർത്തനത്തിന്റെ വീഡിയോ ദൃശ്യങ്ങൾ കാണാം.

ചെന്നൈ: തമിഴ്നാട്ടിലെതിരുവണ്ണാമലയിൽ കാറും ബസും കൂട്ടിയിടിച്ച് ഏഴു മരണം. 14 പേർക്കു പരുക്കേറ്റു. മരിച്ചവരിൽ ആറു പേർ അസമിൽ നിന്നുള്ള അതിഥി തൊഴിലാളികളും ഒരാൾ തമിഴ്നാട്ടുകാരനുമാണ്.

പുതുച്ചേരിയിൽനിന്ന് ഹൊസൂരിലെ പശ ഫാക്ടറിയിലേക്കു പോകുകയായിരുന്ന തൊഴിലാളികളാണ് അപകടത്തിൽപ്പെട്ടത്. തിരുവണ്ണാമല ജില്ലയിലെ സംഗം-കൃഷ്ണഗിരി ഹൈവേയിലാണ് അപകടമുണ്ടായത്. തമിഴ്നാട് സർക്കാർ ബസാണ് കാറുമായി കൂട്ടിയിടിച്ചത്.