പൊലീസിന്റെ പട്രോള് വാഹനമിടിച്ച് ഇന്ത്യൻ വംശജയായ പെണ്കുട്ടി കൊല്ലപ്പെട്ടപ്പോള് പൊട്ടിച്ചിരിച്ച് അമേരിക്കന് പൊലീസ് ഉദ്യോഗസ്ഥന്. ജനുവരിയില് നടന്ന സംഭവത്തിന്റെ വീഡിയോ പുറത്തുവന്നതോടെ അന്വേഷണം ആരംഭിച്ചു. സിയാറ്റില് പൊലീസ് ഓഫീസര് ഡാനിയല് ഓഡറിന്റെ ബോഡി ക്യാമറയില് പതിഞ്ഞ ദൃശ്യങ്ങളാണ് പുറത്തുവന്നത്.
2023 ജനുവരി 23നാണ് ഇന്ത്യൻ വംശജയായ ജാഹ്നവി കണ്ടുല യുഎസ് പൊലീസിന്റെ പട്രോളിങ് വാഹനമിടിച്ച് കൊല്ലപ്പെട്ടത്. നോര്ത്ത് ഈസ്റ്റേണ് യൂണിവേഴ്സിറ്റിയുടെ സിയാറ്റില് കാമ്ബസില് ബിരുദാനന്തര ബിരുദ വിദ്യാര്ത്ഥിനിയായിരുന്നു 23കാരിയായ ജാഹ്നവി. ഡാനിയല് ഓഡറിന്റെ സഹപ്രവര്ത്തകനായ പൊലീസ് ഓഫീസര് കെവിൻ ഡേവ് ഓടിച്ച വാഹനമിടിച്ചാണ് ജാഹ്നവി കൊല്ലപ്പെട്ടത്.
Jaahnavi Kandula, a 26 year old masters student at Northeastern University’s Seattle campus was k!lled when a Seattle City Police car ran over her. Officer Kevin Dave was driving it.
— saloni🇮🇳 (@salonivxrse) September 13, 2023
Now, listen to how Detective Daniel Auderer, Vice President of Seattle Police Officers Guild… pic.twitter.com/eismKhFY7V
‘അവള് മരിച്ചു’ എന്നു പറഞ്ഞ് ഡാനിയല് പൊട്ടിച്ചിരിക്കുന്ന വീഡിയോ ആണ് പുറത്തുവന്നത്. സിയാറ്റില് പൊലീസ് ഓഫീസേഴ്സ് ഗില്ഡ് വൈസ് പ്രസിഡന്റാണ് ഡാനിയല്. ഇദ്ദേഹം ഗില്ഡ് പ്രസിഡന്റിനോട് ഫോണില് സംസാരിക്കുമ്ബോഴാണ് ഇന്ത്യന് വംശജയെ പരിഹസിക്കുകയും പൊട്ടിച്ചിരിക്കുകയും ചെയ്തത്. അവളൊരു സാധാരണക്കാരിയാണെന്നും പതിനൊന്നായിരം ഡോളറിന്റെ ചെക്ക് എഴുതാനും ഡാനിയല് പറഞ്ഞു.വീഡിയോ പുറത്തുവന്നതിന് പിന്നാലെ സിയാറ്റില് കമ്മ്യൂണിറ്റി പോലീസ് കമ്മീഷൻ (സിപിസി) പ്രസ്താവന പുറത്തിറക്കി.
ആ സംഭാഷണം ഹൃദയഭേദകവും ഞെട്ടിപ്പിക്കുന്നതാണെന്ന് പ്രസ്താവനയില് പറഞ്ഞു. സുരക്ഷ ഉറപ്പാക്കാന് നിയോഗിക്കപ്പെട്ട പൊലീസില് നിന്ന് ഇതല്ല ജനങ്ങള് പ്രതീക്ഷിക്കുന്നതെന്നും സിപിസി പ്രസ്താവനയില് വിമര്ശിച്ചു. അതേസമയം അന്വേഷണത്തിന് ശേഷം പ്രതികരിക്കാമെന്ന് സിയാറ്റില് പൊലീസ് ഡിപാര്ട്ട്മെന്റ് അറിയിച്ചു. ആന്ധ്രാപ്രദേശിലെ കുര്ണൂല് സ്വദേശിനിയാണ് കൊല്ലപ്പെട്ട ജാഹ്നവി.