വിദേശത്ത് ഇരുന്ന് മൊഴി ചൊല്ലിയ ഭർത്താവിനെ നാട്ടിലെത്തിയപ്പോൾ കയ്യോടെ പിടികൂടി പെരുവഴിയിൽ കൈകാര്യം ചെയ്ത് ഭാര്യ; തടയാൻ എത്തിയ സുഹൃത്തിനും കിട്ടി: വീഡിയോ ദൃശ്യങ്ങൾ കാണാം.

വിദേശത്തിരുന്ന് തലാക്ക് ചൊല്ലി വിവാഹബന്ധം ഒഴിവാക്കിയ ഭര്‍ത്താവിനെ നടുറോഡിലിട്ട് ചോദ്യം ചെയ്ത് ഭാര്യ. വിദേശത്ത് നിന്ന് തിരികെ എത്തിയപ്പോഴായിരുന്നു വിചാരണ. പര്‍ദ്ദ ധരിച്ച സ്ത്രീയാണ് നാട്ടുകാരും ബന്ധുക്കളും നോക്കി നില്‍ക്കെ ഭര്‍ത്താവിനെ ബൈക്കില്‍ നിന്ന് വലിച്ചിറക്കി ചോദ്യം ചെയ്യുന്നത്. ഇയാള്‍ സുഹൃത്തിനൊപ്പം കയറി രക്ഷപ്പെടാന്‍ ശ്രമിക്കുമ്ബോഴാണ് ചുറ്റിപ്പിടിച്ച്‌ ബൈക്കില്‍ നിന്ന് വലിച്ചിറക്കുന്നത്.

വിവാഹം കഴിഞ്ഞ് ഒരു വര്‍ഷം ആകും മുന്നേയാണ് ഇയാള്‍ വിദേശത്തേക്ക് പോയത്. ബീഹാറിലെ ജഹനാബാദിലാണ് സംഭവം. ‘ഞാന്‍ നിങ്ങളെ പോകാന്‍ അനുവദിക്കില്ല കഴിഞ്ഞ 11 മാസം നിങ്ങള്‍ എന്താണ് ചെയ്തതെന്ന് മറന്നുപോയാ’ ഞാന്‍ എന്ത് തെറ്റാണ് നിങ്ങളോട് ചെയ്തത്’ എന്നു ചേദിച്ചാണ് ഇവര്‍ ഭര്‍ത്താവിനെ തടഞ്ഞുവയ്‌ക്കാന്‍ ശ്രമിക്കുന്നത്. ഡാനിഷ് എന്നാണ് യുവാവിന്റെ പേര് ഷഹബാസ് സെറീന്‍ എന്നാണ് യുവതിയുടെ പേര്.