ഉമ്മൻചാണ്ടിയുടെ മുഖം അവസാനം ആയി ഒന്ന് കാണാൻ കുഞ്ഞിനെയുമായി വാഹനത്തിന് പിന്നാലെ ഓടുന്ന യുവാവ്; വാഹനം നിർത്തി വാതിൽ തുറന്ന് ചാണ്ടി ഉമ്മൻ: ഹൃദയസ്പർശിയായ വീഡിയോ പങ്കുവെച്ച് വി ഡി സതീശൻ – ഇവിടെ കാണാം.

ചങ്ങനാശ്ശേരി പെരുന്ന പിന്നിട്ട വിലാപയാത്രയിലെ ഹൃദയസ്പര്‍ശിയായ ഒരു കാഴ്ചയാണ് വീഡിയോയിലുള്ളത്. മകന്റെ കൈപ്പിടിച്ച്‌ ഒരച്ഛൻ വാഹനത്തിന്റെ പിന്നാലെ കരഞ്ഞോടുന്ന ദൃശ്യം. ഒരു നോക്കു കാണാനായി വാതിലൊന്നു തുറക്കാമോ എന്ന് ബസ്സിലേക്ക് നോക്കി വിരല്‍ ചൂണ്ടി ആ മനുഷ്യൻ ആവശ്യപ്പെടുന്നുണ്ടായിരുന്നു. വാഹനം പക്ഷേ, പിന്നെയും മുന്നോട്ടുനീങ്ങി. ആ മനുഷ്യനും വിടാൻ തയ്യാറായിരുന്നില്ല.

പിന്നെയും പിന്നെയും വാഹനത്തിനൊപ്പം ഓടിയോടി ആവശ്യം അറിയിച്ചതോടെ, ഉമ്മൻചാണ്ടിയോട് അയാളുടെ ഉള്ളിലുറഞ്ഞ സ്നേഹം വാഹനത്തിലുള്ളവര്‍ക്ക് കാണാതിരിക്കാനായില്ല. ചാണ്ടി ഉമ്മൻ വാതില്‍ തുറന്നുനല്‍കി അയാള്‍ക്കും മകനും കുഞ്ഞൂഞ്ഞിനെ അവസാനമായി കാണാനുള്ള അവസരം നല്‍കി. ഭൗതിക ശരീരം കണ്ട് കണ്ണീരോടെ കൈകൂപ്പി പ്രണാമമര്‍പ്പിച്ച്‌, ചാണ്ടി ഉമ്മനെയും കെട്ടിപ്പിടിച്ചാണ് അദ്ദേഹം ബസ്സുവിട്ടുപോയത്.

ഇവിടെ ക്ലിക്ക് ചെയ്ത് ഞങ്ങളുടെ യൂട്യൂബ് ചാനൽ സബ്സ്ക്രൈബ് ചെയ്യുക