ആർട്ടിഫിഷ്യൽ ഇന്റലിജൻസ് ഉപയോഗിച്ച് പണം തട്ടിപ്പ്; വർഷങ്ങൾ പരിചയമുള്ള സുഹൃത്തുക്കൾ വരെ അവർ പോലും അറിയാതെ വീഡിയോ കോളിൽ എത്തും; വിരമിച്ച കേന്ദ്രസർക്കാർ ഉദ്യോഗസ്ഥന് 40,000 രൂപ നഷ്ടപ്പെട്ട കഥ ഞെട്ടിക്കുന്നത് – വെളിപ്പെടുത്തൽ വീഡിയോ വാർത്തയോടൊപ്പം.

സാങ്കേതികവിദ്യ വളരുന്ന വേഗത്തിൽ തന്നെ ആണ് അതിന് ചൂടുപിടിച്ചുള്ള തട്ടിപ്പുകളും വികസിക്കുന്നത്. ഇൻറർനെറ്റ് ബാങ്കിങ്ങിനുള്ള ഒടിപി സഹിതം തട്ടിയെടുത്ത് ലക്ഷക്കണക്കിന് രൂപ ആളുകളിൽ നിന്ന് വെട്ടിച്ച കഥകൾ നാം കേൾക്കാറുണ്ട്. കെഎസ്ഇബി കണക്ഷൻ വിച്ഛേദിക്കുമെന്ന് പറഞ്ഞ് ആളുകളെ ഫോൺ വിളിച്ച് നടത്തുന്ന തട്ടിപ്പുകളുടെയും കഥകൾ അടുത്തകാലത്ത് നിരവധിയായി പുറത്തുവന്നിട്ടുണ്ട്. എന്നാൽ ഇതിനെയെല്ലാം കടത്തിവിട്ടുന്ന രീതിയിൽ യഥാർത്ഥത്തിൽ നാം ഓരോരുത്തരും ഭയപ്പെടേണ്ട രീതിയിലുള്ള ഒരു തട്ടിപ്പിന്റെ കഥയാണ് ഇപ്പോൾ പുറത്തുവരുന്നത്.

ആർട്ടിഫിഷൽ ഇന്റലിജന്റെസിന്റെ അനന്ത സാധ്യതകൾ ഉപയോഗിച്ച് ആണ് ഈ തട്ടിപ്പ് ആസൂത്രണം ചെയ്യുന്നത്. വർഷങ്ങളായി നമുക്ക് പരിചയമുള്ള ഒരു വ്യക്തിയായി ചമഞ്ഞ് വാട്സാപ്പിൽ സന്ദേശങ്ങൾ അയക്കുകയും വീഡിയോ കോളിൽ വരെ നേരിട്ട് എത്തി പണം ആവശ്യപ്പെടുകയും ചെയ്യുന്നതാണ് തന്ത്രം. നിർമത ബുദ്ധിയിലെ ഡീപ് ഫേക്കിങ് സാങ്കേതിക വിദ്യയാണ് ഇതിനുവേണ്ടി ഉപയോഗിക്കുന്നത് എന്നാണ് വിലയിരുത്തൽ. തട്ടിപ്പിനിരയായി 40000 രൂപ നഷ്ടപ്പെട്ട കേന്ദ്രസർക്കാരിലെ വിരമിച്ച ഉദ്യോഗസ്ഥന്റെ അനുഭവകഥ ചുവടെയുള്ള വീഡിയോയിൽ കാണാം.