മരുമകൻ മന്ത്രി ആദ്യം, പിന്നാലെ മുഖ്യമന്ത്രിയും ശിവൻകുട്ടിയും: ഖജനാവിൽ പൂച്ച പെറ്റു കിടക്കുമ്പോൾ മുഖ്യ മന്ത്രി അടക്കമുള്ളവർ നടത്തുന്ന യൂറോപ്യൻ പര്യടനത്തെ കുറിച്ച് ദുരൂഹതകളുയരുന്നു.

യൂറോപ്പിലേക്കുള്ള മുഖ്യമന്ത്രിയുടെ യാത്രയെ വേണു രാജാമണിയും അനുഗമിക്കാന്‍ സാധ്യത ഏറെയാണ്. മുഖ്യമന്ത്രിയുടെ യാത്രയോട് അനുബന്ധിച്ച്‌ റിയാസും വിദേശത്തേക്ക് പോകുന്നതിലും ചര്‍ച്ചകള്‍ സജീവമാണ്. മുന്‍കൂട്ടിയുള്ള എന്തോ പദ്ധതി ഇതിന് പിന്നിലുണ്ടെന്നാണ് സൂചനയും വിവാദവും.

ഖജനാവില്‍ ഒന്നുമില്ലാത്ത അവസ്ഥയിലാണ് ഈ യാത്രകള്‍. അതേസമയം, കേരളം കടുത്ത സാമ്ബത്തിക പ്രതിസന്ധി നേരിടുന്ന അവസരത്തില്‍ മുഖ്യമന്ത്രിയും വിദ്യാഭ്യാസ മന്ത്രിയും യൂറോപ്പിലേക്കു പോകുന്നതിനെ ന്യായീകരിച്ച്‌ ധനമന്ത്രി കെ.എന്‍. ബാലഗോപാല്‍ രംഗത്ത് വന്നു. ‘വിദേശത്തു പോകുന്നത് നല്ലതാണ്. കേരളം അത്ര ദരിദ്രമല്ല. മുഖ്യമന്ത്രിയുടെ യാത്ര മൊത്തം ചെലവിനെ ബാധിക്കില്ല. ഇക്കാര്യങ്ങളല്ല കേന്ദ്രത്തില്‍ നിന്നു ലഭിക്കാനുള്ള നികുതിവിഹിതത്തെക്കുറിച്ചാണ് ചര്‍ച്ച ചെയ്യേണ്ടത്. കേരളം ഓവര്‍ഡ്രാഫ്റ്റിലേക്കു പോകില്ല. സ്ഥിതി നിയന്ത്രണവിധേയമാണ്’, ധനമന്ത്രി വ്യക്തമാക്കി.