2021-22 സാമ്പത്തിക വർഷത്തിൽ നിഫ്റ്റിയിലെ മികച്ച 50 കമ്പനികളുടെ ശരാശരി ശമ്പള വിഹിതം 22 ശതമാനം വർധിച്ച് 28.4 കോടി രൂപയായി. CNBC TV18 റിപ്പോർട്ട് അനുസരിച്ച്, 2017-18 നും 2019-20 നും ഇടയിൽ ഇത് ശരാശരി 17-18 കോടി ആയിരുന്നു. പ്രൊഫഷണലുകൾ നടത്തുന്ന കമ്പനികൾ മാത്രമല്ല, പ്രൊമോട്ടർമാരുടെ നേതൃത്വത്തിലുള്ള ജെഎസ്ഡബ്ല്യു സ്റ്റീൽ, ദിവിസ് ലബോറട്ടറീസ് തുടങ്ങിയ സ്ഥാപനങ്ങളും മൊത്തം പ്രതിഫലമായി ശരാശരി 140 കോടി രൂപ നൽകിയതായി റിപ്പോർട്ട് വെളിപ്പെടുത്തുന്നു.
ഏറ്റവും കൂടുതൽ പ്രതിഫലം വാങ്ങുന്ന ഇന്ത്യൻ സിഇഒമാർ
ഇന്ത്യയിൽ ഏറ്റവും കൂടുതൽ പ്രതിഫലം വാങ്ങുന്ന സിഇഒയാണ് എച്ച്സിഎൽ ടെക്കിന്റെ സിഇഒ സി. വിജയകുമാർ. കമ്പനിയുടെ വാർഷിക റിപ്പോർട്ട് പ്രകാരം അടുത്തിടെ 130 കോടി രൂപ അദ്ദേഹത്തിന് നൽകിയിരുന്നു.
2021ൽ 123.13 കോടിയാണ് വിജയകുമാറിന് ലഭിച്ചത്. അടിസ്ഥാന ശമ്പളമായി 2 മില്യൺ ഡോളറും വേരിയബിൾ പേയായി മറ്റൊരു 2 മില്യൺ ഡോളറും ലഭിച്ചു. മാർച്ച് 31 ന്, മറ്റ് ആനുകൂല്യങ്ങളിൽ 0.02 ദശലക്ഷം ഡോളർ കൂടി ലഭിച്ചു. ദീർഘകാല പ്രോത്സാഹനമായി 12.50 മില്യണ് ഡോളർ കൂടി ചേർത്തതോടെ അദ്ദേഹത്തിന്റെ ആകെ ശമ്പളം 16.52 മില്യണ് ഡോളറായി.
52 രാജ്യങ്ങളിൽ നിന്നുള്ള 2,09,000-ത്തിലധികം ജീവനക്കാരാണ് കമ്പനിക്കുള്ളത്. ഉത്സാഹവും ഊർജസ്വലവുമായ ഈ ടീമിൽ ഞങ്ങൾക്ക് അഭിമാനമുണ്ട്. സംരംഭകത്വ മേഖലയിൽ ലോകോത്തര സേവനങ്ങളാണ് ഈ ടീം ഇടപാടുകാർക്ക് നൽകുന്നത്.’ സിഇഒ വിജയകുമാർ പറഞ്ഞു.
വിപ്രോയുടെ ചീഫ് എക്‌സിക്യൂട്ടീവ് ഓഫീസറായ തിയറി ഡെലാപോർട്ടാണ് ഉയർന്ന പ്രതിഫലം വാങ്ങുന്ന മറ്റൊരു കമ്പനി മേധാവി. 2021-22 വർഷത്തിൽ 80 കോടിയോളം രൂപ ലഭിച്ചു. 2020ൽ വിപ്രോയുടെ സിഇഒ ആയി നിയമിതനായി. 2021 സാമ്പത്തിക വർഷത്തിലെ ആദ്യ 9 മാസത്തെ പ്രതിഫലം 64 കോടിയായിരുന്നു.
2021-22 സാമ്പത്തിക വർഷത്തിൽ ഇൻഫോസിസ് സിഇഒ സലിൽ പരേഖിന് ആകെ ലഭിച്ചത് 71.02 കോടി രൂപയാണ്. പരേഖിന്റെ കാലാവധി 2027 വരെ അഞ്ച് വർഷം കൂടി നീട്ടാനുള്ള നിർദ്ദേശത്തിന് കമ്പനിയുടെ ഓഹരി ഉടമകൾ അംഗീകാരം നൽകിയിരുന്നു.ഇതോടെ അദ്ദേഹത്തിന്റെ ശമ്പളം 79.75 കോടി രൂപയായി ഉയർന്നു.
വാർഷിക റിപ്പോർട്ട് പ്രകാരം 5.69 കോടി രൂപയാണ് പരേഖിന്റെ അടിസ്ഥാന ശമ്പളം. ഇതിനുപുറമെ, അദ്ദേഹത്തിന്റെ മൊത്തം ശമ്പളത്തിൽ 0.38 കോടിയുടെ റിട്ടയർമെന്റ് ആനുകൂല്യവും 12.62 കോടി രൂപയുടെ ബോണസും ഇൻസെന്റീവും 52.33 കോടി രൂപയുടെ ഓഹരി വരുമാനവും ഉൾപ്പെടുന്നു.
ടെക് മഹീന്ദ്രയുടെ സിഇഒയും മാനേജിംഗ് ഡയറക്ടറുമായ സി പി ഗുർനാനിക്ക് 2021-22 ൽ 63.4 കോടി രൂപ ലഭിച്ചു. 189 ശതമാനത്തിന്റെ കുതിപ്പുണ്ട്. ശമ്പളം, സ്റ്റോക്ക് ആനുകൂല്യങ്ങൾ, മറ്റ് ആനുകൂല്യങ്ങൾ എന്നിവയുടെ ആകെത്തുകയാണ് മഹീന്ദ്രയുടെ വാർഷിക റിപ്പോർട്ട്.
ടാറ്റ കൺസൾട്ടൻസി സർവീസസ് സിഇഒയും എംഡിയുമായ രാജേഷ് ഗോപിനാഥിന് 2021-22 വർഷത്തേക്ക് ശമ്പളത്തിൽ 26.6 ശതമാനം വർദ്ധനവ് ലഭിച്ചു. കഴിഞ്ഞ സാമ്പത്തിക വർഷം 25.75 കോടി രൂപ ലഭിച്ചു. ജൂണിൽ പ്രസിദ്ധീകരിച്ച ഡിലോയിറ്റ് ഇന്ത്യ സർവേ പ്രകാരം കോവിഡിന് ശേഷമുള്ള സിഇഒയുടെ ശമ്പളം കോവിഡിന് മുമ്പുള്ളതിനേക്കാൾ വളരെ കൂടുതലാണ്. ശരാശരി ശമ്പളം 10 കോടി കടന്ന ആദ്യ സർവേയാണിത്.
