കോയമ്പത്തൂരിൽ പഠിക്കുന്ന മലയാളി വിദ്യാർത്ഥികൾക്ക് ക്രൂര മർദ്ദനമേറ്റു: വിദ്യാർഥികളെ ആക്രമിച്ചത് ബസ് തടഞ്ഞുനിർത്തി.

പാലക്കാട്: മലയാളി വിദ്യാർത്ഥികൾക്ക് ക്രൂര മർദ്ദനം. കോയമ്പത്തൂരിലെ ഒരു സ്വകാര്യ കോളേജിൽ പഠിക്കുന്ന വിദ്യാർത്ഥികൾക്ക് നേരെയാണ് ആക്രമണമുണ്ടായത്. ഒരു സംഘം ആളുകൾ ബസിനുള്ളിൽ കയറി വിദ്യാർഥികളെ മർദിച്ചു.

ഇന്നലെ ഉച്ചകഴിഞ്ഞാണ് സംഭവം. പാലക്കാട് പുതുശേരിയിൽ ബസ് തടഞ്ഞു നിർത്തിയായിരുന്നു ആക്രമണം. ഇതിന്റെ ദൃശ്യങ്ങളും പുറത്തുവന്നിട്ടുണ്ട്. പുറത്ത് നിന്ന് ബസിൽ കയറിയവർ മലയാളി കുട്ടികളെ ലക്ഷ്യമിട്ട് ആക്രമിക്കുകയായിരുന്നു.