പ്രകൃതിയിൽ നിരവധി അത്ഭുതകരമായ കാഴ്ചകൾ ഉണ്ട്. ചില കാഴ്ചകൾ നമ്മെ ആകർഷിക്കുന്നത് മറ്റുള്ളവയുമായി സാമ്യമുള്ളതുകൊണ്ടാണ്. പെറു രാജ്യത്ത് അങ്ങനെയൊരു അത്ഭുതമുണ്ട്. വടക്കൻ പെറുവിലെ കാജമാർക്ക നഗരത്തിന് പുറത്ത്, “മണവാട്ടിയുടെ വെള്ളച്ചാട്ടം” എന്നറിയപ്പെടുന്ന ഒരു വെള്ളച്ചാട്ടമുണ്ട്. മൂടുപടവും വസ്ത്രവും ധരിച്ച ഒരു വധുവിന്റെ രൂപമാണ് വെള്ളച്ചാട്ടം സന്ദർശകർക്ക് സമ്മാനിക്കുന്നത്.
55 അടി ഉയരമുള്ള വെള്ളച്ചാട്ടം പാറക്കെട്ടുകളിൽ നിന്ന് താഴേക്ക് പതിക്കുന്നത് കറുത്ത പാറയ്ക്കെതിരെ നിൽക്കുന്ന ഒരു മനുഷ്യരൂപത്തിന്റെ മിഥ്യാധാരണ സൃഷ്ടിച്ചു. വ്യത്യസ്ത ദിശകളിലേക്ക് വളയുന്ന ഒരു ഓർഗാനിക് പാറ്റേൺ പിന്തുടർന്ന്, ചലിക്കുന്ന തെളിഞ്ഞ വെള്ളം പാറയുടെ സ്വാഭാവിക ആഴത്തിൽ എത്തുന്നു. തൽഫലമായി, വെള്ളച്ചാട്ടം വിവാഹ വസ്ത്രത്തിൽ നിൽക്കുന്ന ഒരു വധുവിനെ പോലെ കാണപ്പെടുന്നു.
നിരവധി പേരാണ് ഈ വെള്ളച്ചാട്ടം കാണാൻ എത്തുന്നത്. എടുരുതുമ എന്ന യൂട്യൂബർ നേരത്തെ തന്റെ ചാനലിൽ ഈ വെള്ളച്ചാട്ടത്തിന്റെ വീഡിയോ പങ്കുവെച്ചത് സോഷ്യൽ മീഡിയയിൽ വൈറലായിരുന്നു. നിരവധി പേരാണ് ഈ മനോഹര ദൃശ്യം സോഷ്യൽ മീഡിയയിൽ വീണ്ടും പങ്കുവെച്ചിരിക്കുന്നത്.