സർക്കാർ ജീവനക്കാരുടെ അവധിക്ക് നിയന്ത്രണം. അനിശ്ചിതകാല അവധിയെടുത്തു മുങ്ങുന്നതിനാണ് വിലക്ക് . മൊത്തം സർവീസ് കാലയളവിൽ ഇനി അഞ്ചുവർഷം മാത്രമാകും ശൂന്യവേതന അവധി
20 വര്‍ഷത്തെ അവധിയാണ് അഞ്ച് വര്‍ഷത്തേക്കായി കുറച്ചത്. അവധി ജനങ്ങളെ ബുദ്ധിമുട്ടിക്കുന്നുവെന്നാണ് സര്‍ക്കാര്‍ നിലപാട്. 5 വര്‍ഷത്തിന് ശേഷം ജോലിയില്‍ ഹാജരായില്ലെങ്കില്‍ പിരിച്ചുവിടും.(no long leave for government officers)
സര്‍ക്കാര്‍ ജീവനക്കാരും അര്‍ധ സര്‍ക്കാര്‍ ജീവനക്കാരും ശൂന്യവേദന അവധി എടുക്കുന്നതില്‍ നിന്നാണ് സര്‍ക്കാര്‍ വിലക്കിയത്. സര്‍ക്കാര്‍ നടത്തിയ പരിശോധനയില്‍ സര്‍വിസില്‍ കയറിയ ശേഷം ജീവനക്കാര്‍ പത്തും ഇരുപതും വര്‍ഷത്തില്‍ കൂടുതല്‍ അവധി എടുക്കുത്ത് വിദേശത്തും മറ്റും ജോലി ചെയ്യുന്നതായി സര്‍ക്കാര്‍ കണ്ടെത്തിയിരുന്നു.
ഇതേത്തുടർന്നാണ് നിയന്ത്രണം കൊണ്ടുവരാൻ സർക്കാർ തീരുമാനിച്ചത്. പുതിയ സേവന ഭേദഗതി പ്രകാരം 5 വർഷത്തെ സേവന കാലയളവിലേക്ക് മാത്രമേ സർക്കാർ ശൂന്യവേതന അവധി അനുവദിക്കൂ.
