തൃക്കാക്കര: യുവജന പ്രസ്ഥാനത്തിന്റെ വനിതാ നേതാവിന് വ്യാജ ഫേസ്ബുക്ക് അക്കൗണ്ടിലൂടെ നഗ്ന ഫോട്ടോകള് അയച്ച കേസില് ഹരിപ്പാട് നങ്ങ്യാര്കുളങ്ങര കൊപ്പറത്തി തെക്കേതില് വീട്ടില് ഉണ്ണിക്കൃഷ്ണനെ (21) ഇന്ഫോപാര്ക്ക് സൈബര് പൊലീസ് അറസ്റ്റുചെയ്തു. കിഴക്കമ്ബലത്തെ സ്വകാര്യ സ്ഥാപനത്തിലെ ലോഡിംഗ് തൊഴിലാളിയാണ്.
വനിതാ നേതാവുമായി അശ്ളീലച്ചുവയില് ഫേസ്ബുക്ക് മെസഞ്ചറിലൂടെ ചാറ്റ് ചെയ്തെന്നും ഇയാള്ക്കെതിരെ പരാതിയുണ്ട്. യുവതി പ്രതികരിച്ചതോടെ പ്രതി പുതിയ ഫേസ്ബുക്ക് അക്കൗണ്ട് ഉണ്ടാക്കി വീണ്ടും നഗ്നഫോട്ടോകള് അയച്ചു. യുവതിയുടെ സഹോദരന് യുവതിയുടെ ഫോട്ടോയും പ്രതിയുടെ നമ്ബറും വച്ച് വാട്സ്ആപ്പ് സന്ദേശവും നല്കി.
വ്യാജഫേസ്ബുക്ക് അക്കൗണ്ടുകളിലൂടെ നിരവധി പെണ്കുട്ടികളോട് ഇയാള് ചാറ്റ് ചെയ്യാറുണ്ടെന്ന് പൊലീസ് കണ്ടെത്തി. തൃക്കാക്കര അസി. കമ്മിഷണര് പി.വി ബേബിയുടെ നിര്ദേശത്തെത്തുടര്ന്ന് സി.ഐ രഞ്ജിത്ത് വിശ്വനാഥ്,എസ്.ഐ ബേബി,പൊലീസ് ഓഫീസര്മാരായ ജോസഫ്, ദീപ, അരുണ് എന്നിവരുടെ നേതൃത്വത്തിലാണ് പ്രതിയെ പിടികൂടിയത്.