കണ്ണൂര്: ഭര്ത്താവുമായി നിരന്തരം ചാറ്റിംഗ് നടത്തുന്ന കൂട്ടുകാരിക്കെതിരേ സോഷ്യല് മീഡിയയിലൂടെ അശ്ലീല വാക്കുകള് ഉപയോഗിച്ച് പ്രചാരണം നടത്തിയ സംഭവത്തില് മൂന്നുപേര്ക്കെതിരേ കണ്ണൂര് ടൗണ് പോലീസ് കേസെടുത്തു. കണ്ണൂരില് ഒരു അര്ദ്ധ സര്ക്കാര് സ്ഥാപനത്തിലെ ജീവനക്കാരായ തൃശൂര്, കോഴിക്കോട് സ്വദേശികള്ക്കെതിരേയാണ് കേസ്. പ്രതികളില് ഒരാളായ യുവതിയുടെ ഭര്ത്താവുമായി പരാതികാരിക്ക് ബന്ധമുണ്ടെന്ന് സംശയിച്ചതാണ് പുലിവാലായി മാറിയത്.
പ്രതിയുടെ വിദേശത്ത് ജോലി ചെയ്യുന്ന ഭര്ത്താവിന്റെ മൊബൈല് ഫോണില് ചാറ്റിംഗ് വിവരങ്ങള് അറിയുന്ന ഒരു ആപ്ലിക്കേഷന് ഇന്സ്റ്റാള് ചെയ്തു വച്ചിരുന്നു. ഇതിലൂടെയാണ് ഭര്ത്താവ് തന്റെ സുഹൃത്തായ യുവതിയുമായി ചാറ്റിംഗ് നടത്താറുണ്ടെന്ന് കണ്ടെത്തിയത്.
തുടര്ന്ന്, സുഹൃത്തായ യുവതിക്കെതിരേ അശ്ലീല പ്രചാരണം നടത്തുകയായിരുന്നു. ഇതിനെതിരേ യുവതി ടൗണ് പോലീസില് കേസ് നല്കുകയായിരുന്നു. അശ്ലീല പ്രചാരണം നടത്തിയ യുവതിയുടെ ഫെയ്സ്ബുക്ക് സുഹൃത്തുക്കളാണ് പ്രതികളായ മറ്റ് രണ്ടുപേരും.