തെരഞ്ഞെടുപ്പ് ഫലം ഏകദേശം വ്യക്തമായതോടെ പഞ്ചാബില് ആം ആദ്മി പാര്ട്ടിയുടെ തേരോട്ടം. ഒടുവില് വിവരം ലഭിക്കുമ്ബോള് 90ല് അധികം സീറ്റുകളിലും ആം ആദ്മി പാര്ട്ടി ലീഡ് ചെയ്യുകയാണ്.കോണ്ഗ്രസ് 14 സീറ്റിലും ബി.ജെ.പി നാലിടത്തും മാത്രമാണ് ലീഡ് ചെയ്യുന്നത്. 11 ഇടത്ത് മറ്റ് ചെറു കക്ഷികളാണ് മുന്നിട്ട് നില്ക്കുന്നത്.
ഇത്തവണ അമരീന്ദര് സിംഗിന് വന് തിരിച്ചടിയാണ് നേരിട്ടത്. പഞ്ചാബ് മുഖ്യമന്ത്രി ചരണ്ജിത്ത് സിംഗ് ഛന്നിയും പിന്നിലാണ്. പഞ്ചാബ് കോണ്ഗ്രസ് കമ്മിറ്റി പ്രസിഡന്റിന്റെ സ്ഥാനം സമ്മര്ദ തന്ത്രത്തിലൂടെ കൈക്കലാക്കിയ സിദ്ദുവിന് തെരഞ്ഞെടുപ്പ് ഫലത്തിന്റെ ആദ്യഫലങ്ങള് പുറത്തുവരുമ്ബോള് വന് തിരിച്ചടിയാണ് നേരിടേണ്ടി വരുന്നത്. അമൃത് സര് ഈസ്റ്റില് മത്സരിച്ച അദ്ദേഹം മൂന്നാംസ്ഥാനത്താണ്.
കോണ്ഗ്രസിന് കടുത്ത വെല്ലുവുളി ഉയര്ത്തിയാണ് ആം ആദ്മി മുന്നേറുന്നത്. ആം ആദ്മി പാര്ട്ടി പഞ്ചാബില് അട്ടിമറി വജയം നേടുമെന്ന എക്സിറ്റ് പോള് പ്രവചനങ്ങള് ശരിവയ്ക്കുന്ന തരത്തിലേക്കാണ് എഎപിയുടെ മുന്നേറ്റം.