കല്പ്പറ്റ: സ്വകാര്യ റിസോര്ട്ടില് യുവതിയേയും യുവാവിനെയും തൂങ്ങിമരിച്ച നിലയില് കണ്ടെത്തി. പുല്പ്പളളി അമരക്കുനി പോത്തനാമലയില് നിഖില് പ്രകാശ് (26), ശശിമല മാടപ്പള്ളിക്കുന്ന് വെള്ളംകുന്നില് ബബിത (22) എന്നിവരെയാണ് മരിച്ച നിലയില് കണ്ടെത്തിയത്. ഇന്ന് ഉച്ചയ്ക്ക് 12 മണിയോടെയാണ് ഇരുവരെയും റിസോര്ട്ടിലെ മുറിയിലെ ഫാനിനോട് ചേര്ന്ന ഹുക്കില് തൂങ്ങി മരിച്ച നിലയില് കണ്ടെത്തിയത്.
ഇന്നലെ രാവിലെ പതിനൊന്ന് മണിയോടെയാണ് ഇരുവരും റിസോര്ട്ടിലെത്തി റൂമെടുത്തത്. എന്നാല്, റൂമിന്റെ വാതില് തുറക്കാതായതോടെ ലോഡ്ജിലെ ജീവനക്കാര് പോലീസിനെ വിവരം അറിയിക്കുകയായിരുന്നു. ഇതിന്റെ അടിസ്ഥാനത്തില് പോലീസെത്തി മുറി തുറന്ന് പരിശോധിച്ചപ്പോഴാണ് ഇരുവരെയും തൂങ്ങിമരിച്ച നിലയില് കണ്ടെത്തിയത്.
മൃതദേഹം പോസ്റ്റുമോര്ട്ടത്തിനായി മാറ്റി. യുവതിയും യുവാവും തമ്മില് ഏറെ കാലമായി പ്രണയത്തിലായിരുന്നുവെന്നാണ് പോലീസ് പറയുന്നത്. എന്നാല്, ഇവരുടെ ബന്ധത്തെ വീട്ടുകാര് എതിര്ത്തിരുന്നതായാണ് സൂചന. സംഭവത്തില് പോലീസ് കേസെടുത്തിട്ടുണ്ട്.