യുപി, പഞ്ചാബ് നിയമസഭാ തെരഞ്ഞെടുപ്പ്; മികച്ച പോളിംഗ്

ലഖ്നൗ: ഉത്തർപ്രദേശിലെ മൂന്നാം ഘട്ട തെരഞ്ഞെടുപ്പിൽ ഭേദപ്പെട്ട പോളിംഗ്. പഞ്ചാബിലും തരക്കേടില്ലാത്ത പോളിംഗ് നടന്നു. യുപിയിൽ സമാജ്‌വാദി പാർട്ടിയുടെ മുഖ്യമന്ത്രി സ്ഥാനാർത്ഥി അഖിലേഷ് യാദവ് മത്സരിക്കുന്ന കർഹാൾ അടക്കമുള്ള 59 മണ്ഡലങ്ങളാണ് ഇന്ന് ബൂത്തിലെത്തിയത്.

പോളിംഗ് ശതമാനത്തിൽ തെരഞ്ഞെടുപ്പ് കമ്മീഷൻ്റെ ഔദ്യോഗിക കണക്ക് എത്തിയിട്ടില്ല. അല്പ സമയത്തിനകം തെരഞ്ഞെടുപ്പ് കമ്മീഷൻ കണക്ക് പുറത്തുവിടും. ലഭിക്കുന്ന വിവരങ്ങൾ അനുസരിച്ച് പഞ്ചാബിൽ 69 ശതമാനത്തിനടുത്ത് പോളിംഗാണ് നടന്നത്. ഇത് കഴിഞ്ഞ തവണ നടന്നതിനെക്കാൾ കുറവാണ്. കഴിഞ്ഞ തവണ 77 ശതമാനമായിരുന്നു പഞ്ചാബിലെ പോളിംഗ്.