തിരുവനന്തപുരം: കേരളത്തില്‍ ഇന്ന് 38,684 പേര്‍ക്ക് കോവിഡ് സ്ഥിരീകരിച്ചു എറണാകുളം -6398, തിരുവനന്തപുരം -5002, കൊല്ലം -3714, തൃശൂര്‍ -3426, കോട്ടയം -3399, മലപ്പുറം -2616, ആലപ്പുഴ -2610, കോഴിക്കോട് -2469, പത്തനംതിട്ട -2069, കണ്ണൂര്‍ -1814, പാലക്കാട് -1792, ഇടുക്കി -1442, വയനാട് -1202, കാസര്‍ഗോഡ് -731 എന്നിങ്ങനെയാണ് ജില്ലകളിലെ കണക്ക്. കഴിഞ്ഞ 24 മണിക്കൂറിനിടെ 1,20,496 സാമ്പിളുകളാണ് പരിശോധിച്ചത്.
വിവിധ ജില്ലകളിലായി 5,12,986 പേരാണ് ഇപ്പോള്‍ നിരീക്ഷണത്തിലുള്ളത്. ഇവരില്‍ 5,02,193 പേര്‍ വീട്/ഇന്‍സ്റ്റിറ്റിയൂഷണല്‍ ക്വാറന്റൈനിലും 10,793 പേര്‍ ആശുപത്രികളിലും നിരീക്ഷണത്തിലാണ്. 1176 പേരെയാണ് പുതുതായി ആശുപത്രിയില്‍ പ്രവേശിപ്പിച്ചത്. നിലവില്‍ 3,66,120 കോവിഡ് കേസുകളില്‍ 2.9 ശതമാനം ആളുകളാണ് ആശുപത്രി/ഫീല്‍ഡ് ആശുപത്രികളില്‍ പ്രവേശിപ്പിക്കപ്പെട്ടിട്ടുള്ളത്.
24 മണിക്കൂറിനിടെ 28 മരണങ്ങളാണ് കോവിഡിനെത്തുടര്‍ന്നാണെന്ന് സഥിരീകരിച്ചത്. ഇതുകൂടാതെ മുന്‍ ദിവസങ്ങളില്‍ മരണപ്പെടുകയും എന്നാല്‍ രേഖകള്‍ വൈകി ലഭിച്ചത് കൊണ്ടുള്ള 197 മരണങ്ങളും സുപ്രീം കോടതി വിധിപ്രകാരം കേന്ദ്രസര്‍ക്കാരിന്റെ പുതിയ മാര്‍ഗനിര്‍ദേശമനുസരിച്ച് അപ്പീല്‍ നല്‍കിയ 370 മരണങ്ങളും റിപ്പോര്‍ട്ട് ചെയ്തു. ഇതോടെ സംസ്ഥാനത്തെ ആകെ മരണം 57,296 ആയി.
ഇന്ന് രോഗം സ്ഥിരീകരിച്ചവരില്‍ 189 പേര്‍ സംസ്ഥാനത്തിന് പുറത്ത് നിന്നും വന്നവരാണ്. 35,878 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. 2304 പേരുടെ ഉറവിടം വ്യക്തമല്ല. 313 ആരോഗ്യ പ്രവര്‍ത്തകര്‍ക്കാണ് രോഗം ബാധിച്ചത്. രോഗം സ്ഥിരീകരിച്ച് ചികിത്സയിലായിരുന്ന 41,037 പേര്‍ രോഗമുക്തി നേടി.
തിരുവനന്തപുരം -8954, കൊല്ലം -2373, പത്തനംതിട്ട -2472, ആലപ്പുഴ -2205, കോട്ടയം -4115, ഇടുക്കി -1713, എറണാകുളം -2676, തൃശൂര്‍ -1034, പാലക്കാട് -3314, മലപ്പുറം -2719, കോഴിക്കോട് -4915, വയനാട് -1346, കണ്ണൂര്‍ -2314, കാസര്‍ഗോഡ് -887 എന്നിങ്ങനെയാണ് രോഗമുക്തി. ഇതോടെ 3,66,120 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 57,86,949 പേര്‍ ഇതുവരെ കോവിഡ് മുക്തരായി.
