ഹൈദരാബാദ്: ഒമ്ബതാം ക്ലാസുകാരന് ഓടിച്ച കാര് റോഡരികിലെ കുടിലിലേക്ക് പാഞ്ഞുകയറി നാല് സ്ത്രീകള്ക്ക് ദാരുണാന്ത്യം. തെലങ്കാനയിലെ കരിംനഗറില് ഞായറാഴ്ചയാണ് സംഭവം നടന്നത്. സംഭവത്തില് കാറോടിച്ച വിദ്യാര്ഥിയുടെ പിതാവിനെ അറസ്റ്റ് ചെയ്ത പോലീസ് ഇയാള്ക്കെതിരെ നരഹത്യയ്ക്ക് കേസെടുത്തു.
കുടിലുകള് ഇടിച്ച് തെറിപ്പിച്ച ശേഷം കാര് ഡ്രൈനേജ് കനാലിലേക്ക് വീണു. മൂന്ന് സ്ത്രീകള് സംഭവസ്ഥലത്ത് വച്ചും ഒരാള് ആശുപത്രിയില് വച്ചും മരണപ്പെട്ടു. മൂന്ന് പേര്ക്ക് പരിക്കേറ്റു. ഫരിയാദ്, സുനിത, ലളിത, ജ്യോതി എന്നിവരാണ് മരിച്ചത്. വാഹനം ഓടിച്ച ഒമ്ബതാം ക്ലാസുകാരന് അപകടം നടന്ന ഉടന് സംഭവ സ്ഥലത്ത് നിന്ന് ഓടി രക്ഷപ്പെട്ടിരുന്നു.
പോലീസ് നടത്തിയ അന്വേഷണത്തിലാണ് വാഹനം ഓടിച്ചത് ഒമ്ബതാം ക്ലാസ് വിദ്യാര്ഥിയാണ് എന്ന് കണ്ടെത്തിയത്. ഇയാളുടെ പിതാവിനെയും കാറിലുണ്ടായിരുന്ന സുഹൃത്തുക്കളെയും പോലീസ് അറസ്റ്റ് ചെയ്തു. പ്രായപൂര്ത്തിയാവാത്ത വിദ്യാര്ഥി കാറ് ഓടിക്കുന്ന വിവരം ബിസിനസുകാരനായ പിതാവിന് അറിവുണ്ടായിരുന്നെന്നും അന്വേഷണത്തില് വ്യക്തമായി.