അടിമുടി മാറ്റങ്ങളുമായി ട്രൂകോളർ: സുരക്ഷ ആശങ്കയുയർത്തി ഗോസ്റ്റ് കോൾ ഹീച്ചർ; ട്രൂകോളർ അപ്ഡേറ്റിലെ വിശദാംശങ്ങൾ വായിക്കാം.

കോള്‍ റെക്കോഡിംഗ്: ട്രൂകോളര്‍ വഴി ചെയ്യുന്ന ഇന്‍കമിംഗ്, ഔട്ട്ഗോയിംഗ് കോളുകള്‍ റെക്കോഡ് ചെയ്യാം. എന്നാല്‍ പെയ്ഡ് ഉപയോക്താക്കള്‍ക്ക് മാത്രമേ ഈ ഫീച്ചര്‍ ലഭിക്കുകയുള്ളൂ. അതേ സമയം ഇപ്പോള്‍ തന്നെ ആന്‍ഡ്രോയ്ഡ് ഫോണുകളില്‍ പലതിലും ഇന്‍ബില്‍ട്ടായി തന്നെ ഈ പ്രത്യേകതയുണ്ട്.

കോള്‍ അനോണ്‍സ്: ഒരു കോള്‍ വരുമ്ബോള്‍ ആപ്പ് വിളിക്കുന്നയാളുടെ പേര് പറയും. ഇത് ചില ഫോണുകളില്‍ ലഭ്യമാണെങ്കിലും. നിങ്ങളുടെ കോണ്‍ടാക്റ്റില്‍ ഇല്ലാത്ത, എന്നാല്‍ ട്രൂക്കോളറില്‍ ലഭ്യമായ കോണ്‍ടാക്റ്റ് ആണെങ്കിലും ഈ ഫീച്ചര്‍ വഴി പേര് പറയും. പ്രമീയം, ഗോള്‍ഡന്‍ മെമ്ബര്‍മാര്‍ക്കായിരിക്കും ഈ ഫീച്ചര്‍ ലഭിക്കുക.

ഗോസ്റ്റ് കോള്‍: ഏറ്റവും പ്രധാനപ്പെട്ടതായി പ്രഖ്യാപിക്കപ്പെട്ട ഫീച്ചറാണ് ഗോസ്റ്റ് കോള്‍. എന്നാല്‍ ഇതിലെ സ്വകാര്യത പ്രശ്നങ്ങളും ദുരുപയോഗ സാധ്യതകളും ടെക് ലോകത്ത് ഇതിനകം ചര്‍ച്ചാകുന്നുണ്ട്. ട്രൂകോള്‍ പ്രമീയം, ഗോള്‍ഡന്‍ മെമ്ബര്‍മാര്‍ക്കായിരിക്കും ഈ ഫീച്ചര്‍ ലഭിക്കുക. ഇത് പ്രകാരം ഒരു ഉപയോക്താവിന് പുതിയ നമ്ബറും ഫോട്ടോയും ചേര്‍ത്ത് തീര്‍ത്തും അജ്ഞാതമായി മറ്റൊരാളെ കോള്‍ ചെയ്യാം.

ലോകത്തെമ്ബാടും 300 മില്ല്യണ്‍ ഉപയോക്താക്കള്‍ തങ്ങള്‍ക്കുണ്ടെന്നാണ് ട്രൂകോള്‍ അവകാശപ്പെടുന്നത്. നമ്ബറുകള്‍ തിരിച്ചറിയാനും,അനാവശ്യ നമ്ബറുകള്‍ ബ്ലോക്ക് ചെയ്യാനും ഉപയോഗിക്കുന്ന ഏറ്റവും ജനപ്രിയമായ ആപ്പുകളില്‍ ഒന്നാണ് ഇത്. അടുത്തിടെ കമ്ബനി ഗ്രൂപ്പ് വോയിസ് കോള്‍, സ്മാര്‍ട്ട് എസ്‌എംഎസ് സേവനങ്ങള്‍ ആരംഭിച്ചിരുന്നു. വളരെ മുന്‍പ് തന്നെ പേമെന്‍റ് സംവിധാനം ട്രൂകോളറില്‍ ലഭ്യമാണ്.

ട്രൂകോള്‍ പ്രീമിയം അക്കൗണ്ട് എടുക്കാന്‍ മൂന്ന് മാസത്തേക്ക് 179 രൂപയാണ് നല്‍കേണ്ടത്. ആറ് മാസത്തേക്ക് 339 രൂപയാണ്. ഒരു വര്‍ഷത്തേക്ക് 529 രൂപയാണ് നല്‍കേണ്ടത്. ഗോള്‍ഡ് മെമ്ബര്‍ഷിപ്പ് എടുക്കണമെങ്കില്‍ 2,500 രൂപയാണ് വര്‍ഷത്തിലേക്ക് നല്‍കേണ്ടത്.