കൊച്ചി: ജോസ് െക. മാണിയുടെ രാജിയെത്തുടര്‍ന്ന് ഒഴിവുവന്ന രാജ്യസഭ സീറ്റിലേക്ക് ഉടന്‍ തെരഞ്ഞെടുപ്പ് നടത്തണമെന്നാവശ്യപ്പെട്ട് മൂന്ന് ഇടത് എം.എല്‍.എമാര്‍ ൈഹകോടതിയില്‍. 10 മാസം മുമ്ബ് ഒഴിഞ്ഞ സീറ്റില്‍ ഇതുവരെ തെരഞ്ഞെടുപ്പ് നടത്താത്തത് ചൂണ്ടിക്കാട്ടിയാണ് എം.എല്‍.എമാരായ കെ.എന്‍. ഉണ്ണികൃഷ്‌ണന്‍, വി.ആര്‍. സുനില്‍ കുമാര്‍, ജോബ് മൈക്കിള്‍ എന്നിവര്‍ ഹരജി നല്‍കിയത്.2021 ജനുവരി 11നാണ് ജോസ് കെ. മാണി രാജിെവച്ചത്.
ഇൗ ഒഴിവിലേക്ക് തെരഞ്ഞെടുപ്പു നടത്താന്‍ ജനപ്രാതിനിധ്യ നിയമപ്രകാരം തെരഞ്ഞെടുപ്പ് കമീഷന് ബാധ്യതയുണ്ട്. എന്നാല്‍, കോവിഡ് സാഹചര്യത്തില്‍ തെരഞ്ഞെടുപ്പുകള്‍ നീട്ടിവെക്കുന്നതായി കമീഷന് പത്രക്കുറിപ്പിറക്കി. ഇതിനുശേഷം സംസ്ഥാന നിയമസഭ െതരഞ്ഞെടുപ്പുള്‍പ്പെടെ നടത്തിയിട്ടും രാജ്യസഭ സീറ്റിലേക്കുള്ള ഒഴിവു നികത്താന്‍ തെരഞ്ഞെടുപ്പു നടത്തുന്ന കാര്യത്തില്‍ കമീഷന് തീരുമാനമെടുത്തില്ലെന്ന് ഹരജിയില്‍ ആരോപിക്കുന്നു. ഈ സാഹചര്യത്തില്‍ ഒഴിവുള്ള രാജ്യസഭ സീറ്റിലേക്ക് തെരഞ്ഞെടുപ്പ് നടത്താന്‍ കമീഷന് നിര്‍ദേശം നല്‍കണമെന്നാണ് ഹരജിയിലെ ആവശ്യം. ഇതേ ആവശ്യമുന്നയിച്ച്‌ ഒമ്ബത് എം.എല്‍.എമാര്‍ സ്പീക്കര്‍ക്ക് നിവേദനം നല്‍കിയിരുന്നു.
