മാനന്തവാടി: കോവിഡ് മഹാമാരിയുടെ പശ്ചാത്തലത്തില് നീണ്ട കാലത്തെ അടച്ചിടലിനുശേഷം സ്കൂളുകള് തുറക്കാന് വിരലിലെണ്ണാവുന്ന ദിവസങ്ങള് മാത്രം ബാക്കിനില്ക്കെ വിദ്യാലയങ്ങളില് അധ്യാപക നിയമന തിരക്കും.
ഉദ്യോഗാര്ഥികള് ഓടി വലയുന്നു.ദിവസവേതനാടിസ്ഥാനത്തില് അധ്യാപക നിയമനം നടത്താന് ഈ മാസം 22നാണ് സര്ക്കാര് ഉത്തരവിറങ്ങിയത്.ഹയര് സെക്കന്ഡറി വിഭാഗത്തിലാണ് താല്ക്കാലിക നിയമനം ഏറെയും. യു.പി, ഹൈസ്കൂള് വിഭാഗത്തിലും സ്പെഷലിസ്റ്റ് അധ്യാപക നിയമനങ്ങള്ക്കും അപേക്ഷ ക്ഷണിക്കുന്നുണ്ട്. പല വിദ്യാലയങ്ങളിലും ഒരേ ദിവസവും മണിക്കൂറുകളുടെ വ്യത്യാസത്തിലുമാണ് കൂടിക്കാഴ്ചകള് നടക്കുന്നത്.അതിനാല് ഉദ്യോഗാര്ഥികള് ഓടി വലയേണ്ട സ്ഥിതിയാണ്.
യോഗ്യതയുണ്ടായിട്ടും ഒരേ സമയത്താവുന്നതിനാല് പല സ്കൂളുകളിലെ അഭിമുഖങ്ങളിലും ഉദ്യോഗാര്ഥികള്ക്ക് പങ്കെടുക്കാനാവാത്ത അവസ്ഥയുണ്ട്. താല്ക്കാലിക നിയമനമായതിനാല് സര്ക്കാറിന് സാമ്ബത്തികബാധ്യത അധികം ഉണ്ടാകില്ല. പഠിപ്പിക്കുന്ന മണിക്കൂറുകള്ക്കനുസരിച്ചാണ് വേതനം നല്കുന്നത്.