തിരുവനന്തപുരം: സംസ്ഥാനത്ത് അതിതീവ്ര മഴ തുടരുന്ന പശ്ചാത്തലത്തില് വിവിധ ഡാമുകള് തുറക്കുന്നത് തീരുമാനിക്കാന് വിദഗ്ധ സമിതിയെ ചുമതലപ്പെടുത്തി. മഴക്കെടുതിയും ഡാമുകളുടെ ജലനിരപ്പും വിലയിരുത്താന് മുഖ്യമന്ത്രിയുടെ അധ്യക്ഷതയില് ചേര്ന്ന അടിയന്തര യോഗത്തിലാണ് തീരുമാനം. ഏത് ഡാം തുറക്കണം, തുറക്കേണ്ട എന്നത് അതത് ഡാമുകളിലെ വെള്ളത്തിന്റെ അളവ് നോക്കി വിദഗ്ധ സമിതി തിരുമാനിക്കും. തുറക്കുന്നതിന് കൃത്യമായ മണിക്കൂറുകള് മുമ്ബ് ബന്ധപ്പെട്ട ജില്ലാ കലക്ടര്മാരെ അറിയിക്കണമെന്നും മുഖ്യമന്ത്രി നിര്ദേശിച്ചു.
മഴക്കെടുതിയും ഡാമുകളുടെ ജലനിരപ്പും വിലയിരുത്താന് മുഖ്യമന്ത്രിയുടെ അധ്യക്ഷതയില് ചേര്ന്ന അടിയന്തര യോഗത്തിലാണ് തീരുമാനം. ഏത് ഡാം തുറക്കണം, തുറക്കേണ്ട എന്നത് അതത് ഡാമുകളിലെ വെള്ളത്തിന്റെ അളവ് നോക്കി വിദഗ്ധ സമിതി തിരുമാനിക്കും. തുറക്കുന്നതിന് കൃത്യമായ മണിക്കൂറുകള് മുമ്ബ് ബന്ധപ്പെട്ട ജില്ലാ കലക്ടര്മാരെ അറിയിക്കണമെന്നും മുഖ്യമന്ത്രി നിര്ദേശിച്ചു.
കോളേജുകള് തുറക്കുന്നത് നീട്ടി:
സംസ്ഥാനത്ത് ശക്തമായ മഴ തുടരുന്ന പശ്ചാത്തലത്തില് കോളേജുകള് തുറക്കുന്നത് നീട്ടിയതായി മുഖ്യമന്ത്രി പിണറായി വിജയന് അറിയിച്ചു. ബുധനാഴ്ച മുതല് മഴ വീണ്ടും തീവ്രമാകാനുള്ള സാധ്യതയും പരിഗണിച്ചാണ് തീരുമാനം. ഒക്ടോബര് 25 മുതല് കോളേജുകള് തുറക്കും.
തുലാമാസ പൂജയ്ക്ക് ശബരിമലയില് തീര്ത്ഥാടകരെ പ്രവേശിപ്പിക്കില്ല
ശബരിമല തുലാമാസ പൂജാ സമയത്തുള്ള തീര്ത്ഥാടനം ഇത്തവണ പൂര്ണമായും ഒഴിവാക്കാന് അവലോകന യോഗം തീരുമാനിച്ചു. നിലയ്ക്കല്, പെരുന്തേനരുവി മേഖലയില് ഞായറാഴ്ച തന്നെ ഇരുപതു സെന്റീമീറ്ററിലധികം മഴ പെയ്തിരുന്നു. കക്കി ഡാമിന്റെ ഷട്ടറുകള് തുറന്നതോടെ പമ്ബയിലടക്കം ജലനിരപ്പ് ഉയരുന്നുണ്ട്. വനമേഖലയിലെ കനത്ത മഴ ഉരുള്പൊട്ടലിനും മണ്ണിടിച്ചിലിനുമുള്ള സാധ്യതയയും വര്ധിപ്പിക്കുന്നുണ്ട്. ഈ സാഹചര്യത്തില് ഈ ദിവസങ്ങളില് തീര്ത്ഥാടനം അനുവദിക്കാന് കഴിയില്ല എന്ന് യോഗം വിലയിരുത്തി.