മലപ്പുറം: കടലുണ്ടി പുഴയില്‍ കുളിക്കുന്നതിനിടെ ഒഴുക്കില്‍പ്പെട്ട രണ്ടാമത്തെ കുട്ടിയുടെ മൃതദേഹവും കണ്ടെത്തി.മലപ്പുറം താമരക്കുഴി മേച്ചേത്ത് അബ്ദുല്‍ മജീദിെന്‍റ മകന്‍ റഹാനിന്‍റ (15) മൃതദേഹം വെള്ളിയാഴ്ച വൈകീട്ട് നാലോടെയാണ് കണ്ടെത്തിയത്.മലപ്പുറം നഗരസഭ പരിധിയില്‍ ഉമ്മത്തൂര്‍ ആനക്കടവ് പാലത്തിന് സമീപം വ്യാഴാഴ്ച വൈകീട്ട് 5.20നായിരുന്നു സംഭവം.
പരിസരവാസികളായ നാല് കുട്ടികള്‍ ചേര്‍ന്ന് കുളിക്കുന്നതിനിടെയായായിരുന്നു അപകടം. രണ്ട് കുട്ടികളാണ് ഒഴുക്കില്‍പ്പെട്ടത്. മലപ്പുറം താമരക്കുഴി മുള്ളന്‍മടയന്‍ മുഹമ്മദിന്‍റ മകന്‍ മുഹമ്മദ് ആസിഫിന്‍റ (16) മൃതദേഹം വ്യാഴാഴ്ച കണ്ടെത്തിയിരുന്നു. റൈഹാന്‍റ മൃതദേഹം മലപ്പുറം അഗ്നിരക്ഷാസേന നടത്തിയ തിരച്ചിലിലാണ് കണ്ടെത്തിയത്. തുടര്‍ന്ന് മലപ്പുറം താലൂക്കാശുപത്രിയിലേക്ക് മാറ്റി. എം.എസ്.പി ഹയര്‍ സെക്കന്‍ഡറി സ്‌കൂളിലെ ഒമ്ബതാം ക്ലാസ് വിദ്യാര്‍ഥിയാണ് റൈഹാന്‍. മാതാവ്: ഖൈറുന്നിസ. സഹോദരങ്ങള്‍: അബ്ദുല്‍ മുഹ്‌സിന്‍, അബ്ദുല്‍ ബാസിത്, മിഷാല്‍, സന.
