ലാസ്യഭാവത്തിലുള്ള നൃത്തം ചെയ്യുന്ന അഭിനേത്രി എന്ന് കേട്ടാല് മലയാളികള്ക്ക് ആദ്യം ഓര്മ്മ വരുന്ന പേര് ലക്ഷ്മി ഗോപാലസ്വാമിയുടെതാണ്. വര്ഷങ്ങളായി മലയാള സിനിമയില് നിറഞ്ഞു നില്ക്കുന്ന താരത്തിന് മലയാള സിനിമയില് തന്റേതായ ഒരു സ്ഥാനം നേടിയെടുക്കാന് കഴിഞ്ഞിട്ടുണ്ട്. സോഷ്യല് മീഡിയയിലും സജീവമായ താരം എല്ലാ വിശേഷങ്ങളും അതിലൂടെ പങ്കിടാറുണ്ട്.
ഇപ്പോഴിതാ പേളിയുടെയും ശ്രീനിഷിന്റെയും ഇളയ മകള് നിതാരയെ താലോലിക്കുന്ന വീഡിയോ പങ്കുവെച്ചിരിക്കുകയാണ് താരം. എയര്പോര്ട്ടില് വെച്ചായിരുന്നു ഈ അപൂര്വ്വ കൂടിക്കാഴ്ച. കുഞ്ഞിനെ കണ്ടതും ലക്ഷ്മിക്ക് എടുക്കാതിരിക്കാന് കഴിഞ്ഞില്ല. പരിചയമില്ലാത്ത ആളായിട്ടു പോലും വാവ കരയുകയോ ബഹളം വെക്കുകയോ ഉണ്ടായില്ല. പേളിയെയും കൊച്ചു നിതാരയെയും ദൈവം അനുഗ്രഹിക്കട്ടെ എന്ന ക്യാപ്ഷനോടെയായിരുന്നു ലക്ഷ്മി വീഡിയോ പങ്കുവെച്ചത്.
കന്നഡ കുടുംബത്തിലെ അംഗമാണ് നടിയും നര്ത്തകിയുമായ ലക്ഷ്മി ഗോപാലസ്വാമി. എം.കെ. ഗോപാലസ്വാമിയുടെയും ഉമാ ഗോപാലസ്വാമിയുടെയും മൂത്ത മകളാണ്. അനുജന് അര്ജുന്. പരസ്യചിത്രങ്ങളില് സജീവമായിരുന്നു താരം ‘അരയന്നങ്ങളുടെ വീട്’ എന്ന മമ്മൂട്ടി ചിത്രത്തിലൂടെയാണ് മലയാളത്തില് അരങ്ങേറ്റം കുറിച്ചത്.കുഞ്ഞുടുപ്പും ഷൂവും ഒരു ഹെയര് ബാന്ഡും ധരിച്ച് ക്യൂട്ട് ലുക്കിലായിരുന്നു നിതാര ബേബി. മെയ് മാസത്തില് നിതാരയ്ക്ക് നാല് മാസം തികയും. ചേച്ചി നിലാ ബേബിയുമായി ഏറെ രൂപസാദൃശ്യമുണ്ട് നിതാരയ്ക്ക്. കക്ഷിക്ക് സ്വന്തമായി ഇന്സ്റ്റഗ്രാം പേജ് അച്ഛനമ്മമാര് തുടങ്ങിയിട്ടുണ്ട്.