ആരാധകരെ ഞെട്ടിക്കാൻ പുതിയൊരു ഹാൻഡ്സെറ്റുമായി വിപണിയില് എത്തുകയാണ് നോക്കിയ. നോക്കിയ ഹാൻഡ്സെറ്റുകള് ഇഷ്ടപ്പെടുന്നവര് ഒന്നടങ്കം ആകാംക്ഷയോടെ കാത്തിരിക്കുന്ന നോക്കിയ മാജിക് മാക്സ് ആണ് ഇത്തവണ വിപണിയില് അവതരിപ്പിക്കുന്നത്. ഈ മാസം 24-ന് നോക്കിയ മാജിക് മാക്സ് വിപണിയില് പുറത്തിറക്കാൻ സാധ്യതയുണ്ട്. കിടിലൻ ഫീച്ചറുകള് ഉള്ക്കൊള്ളിച്ചിട്ടുള്ള മിഡ് റേഞ്ച് സ്മാര്ട്ട്ഫോണാണ് നോക്കിയ മാജിക് മാക്സ്.
6.7 ഇഞ്ച് അമോലെഡ് ഡിസ്പ്ലേയാണ് ഈ സ്മാര്ട്ട്ഫോണുകള്ക്ക് നല്കിയിട്ടുള്ളത്. ഡിസ്പ്ലേയ്ക്ക് കോര്ണിംഗ് ഗൊറില്ല ഗ്ലാസ് പ്രൊട്ടക്ഷൻ ഒരുക്കിയിട്ടുണ്ട്. 1080×2400 പിക്സല് റെസല്യൂഷനും, 120 ഹെര്ട്സ് റിഫ്രഷ് റേറ്റും ലഭ്യമാണ്. ക്വാല്കം സ്നാപ്ഡ്രാഗണ് 8 പ്ലസ് ജെൻ 1 ചിപ്സെറ്റാണ് ഈ സ്മാര്ട്ട്ഫോണുകള്ക്ക് കരുത്ത് പകരുന്നത്. ആൻഡ്രോയിഡ് 13 ആണ് ഓപ്പറേറ്റിംഗ് സിസ്റ്റം.
108 മെഗാപിക്സല് പ്രൈമറി ക്യാമറയും, 13 മെഗാപിക്സല് സെക്കൻഡറി ക്യാമറയുമുള്ള ഡ്യുവല് ക്യാമറ സജ്ജീകരണമാണ് പിന്നില് ഒരുക്കിയിട്ടുള്ളത്. 32 മെഗാപിക്സലാണ് സെല്ഫി ക്യാമറ. 67 W ഫാസ്റ്റ് ചാര്ജിംഗ് പിന്തുണയുള്ള 5,000 എംഎഎച്ച് ബാറ്ററി ലൈഫാണ് പ്രധാന ആകര്ഷണീയത. 16 ജിബി റാം പ്ലസ് 256 ജിബി ഇന്റേണല് സ്റ്റോറേജില് പുറത്തിറക്കുന്ന നോക്കിയ മാജിക് മാക്സിന് 49,990 രൂപ വില പ്രതീക്ഷിക്കാവുന്നതാണ്.