ചാള്‍സ് മൂന്നാമൻ രാജാവിന്റെ മരണവുമായി ബന്ധപ്പെട്ട് ഉണ്ടായ അഭ്യൂഹങ്ങള്‍ ബ്രിട്ടീഷ് ഉദ്യോഗസ്ഥർ നിഷേധിച്ചു. ഇക്കാര്യം ബ്രിട്ടനില്‍ ഒന്നിലധികം മാധ്യമങ്ങള്‍ നേരത്തെ റിപ്പോർട്ടു ചെയ്തിരുന്നു. പല റഷ്യൻ മാധ്യമങ്ങളും യുകെ രാജാവിന്റെ മരണം പ്രഖ്യാപിച്ചപ്പോള്‍ ഈ വാർത്ത വ്യാജമാണ് എന്ന് ഉക്രെയ്നിലെ ബ്രിട്ടീഷ് എംബസി പ്രതികരിച്ചു.
എംബസിയുടെ ഔദ്യോഗിക ‘എക്സ്’ ഹാൻഡില്‍ ആണ് ഈ പ്രസ്താവന പുറത്തിറക്കിയത്.ചാള്‍സ് രാജാവ് അർബുദത്തിന് ചികിത്സയിലാണെന്ന് ഫെബ്രുവരിയില്‍ ബക്കിംഗ്ഹാം കൊട്ടാരം പ്രഖ്യാപിച്ചിരുന്നു. ജനുവരി അവസാനം 75 കാരനായ രാജാവ് പ്രോസ്റ്റേറ്റ് ശസ്ത്രക്രിയയ്ക്ക് വിധേയനായി ദിവസങ്ങള്‍ക്ക് ശേഷമാണ് വാർത്ത വന്നത്.
മറ്റൊരു രാജകുടുംബാംഗമായ കാതറിൻ അല്ലെങ്കില്‍ വെയില്‍സ് രാജകുമാരി കേറ്റ് മിഡില്‍ടണും ജനുവരിയില്‍ ഉദര ശസ്ത്രക്രിയയ്ക്ക് വിധേയമായെങ്കിലും പിന്നീട് പൊതുരംഗത്ത് പ്രത്യക്ഷപ്പെട്ടിട്ടില്ല എന്നത് ശ്രദ്ധേയമാണ്. ഇത് അവളുടെ ആരോഗ്യത്തെക്കുറിച്ചും രാജവസതിയില്‍ നടക്കുന്ന സംഭവങ്ങളെക്കുറിച്ചും ആഗോള ശ്രദ്ധ ക്ഷണിക്കാൻ കാരണമായി.
