പാൻ കാര്‍ഡ് ഒരു പ്രധാന സര്‍ക്കാര്‍ രേഖയാണ്. ബാങ്കിംഗിലോ മറ്റ് സാമ്ബത്തിക സംബന്ധമായ കാര്യങ്ങള്‍ക്കോ ഇത് ആവശ്യമാണ്. ബാങ്ക് അക്കൗണ്ട് തുറക്കുക, വസ്തു വാങ്ങുകയോ വില്‍ക്കുകയോ ചെയ്യുക, വാഹനം വാങ്ങുകയോ വില്‍ക്കുകയോ ചെയ്യുക, ഐടിആര്‍ ഫയല്‍ ചെയ്യുക തുടങ്ങി പാൻ കാര്‍ഡ് ആവശ്യമായ അനവധി കാര്യങ്ങളുണ്ട്.
നിങ്ങളുടെ പാൻ കാര്‍ഡ് നഷ്‌ടപ്പെടുകയോ കേടുപാടുകള്‍ വരുകയോ ചെയ്‌താല്‍ പരിഭ്രാന്തരാകേണ്ടതില്ല. ആദായ നികുതി വകുപ്പ് ഇ-പാൻ കാര്‍ഡ് ഡൗണ്‍ലോഡ് ചെയ്യാനുള്ള സൗകര്യം നല്‍കുന്നു. ആധാര്‍ കാര്‍ഡിന്റെ സഹായത്തോടെ മാത്രമേ നിങ്ങള്‍ക്ക് ഇ-പാൻ ഡൗണ്‍ലോഡ് ചെയ്യാൻ കഴിയൂ. പാൻ, രജിസ്റ്റര്‍ ചെയ്ത മൊബൈല്‍ നമ്ബര്‍ എന്നിവയുമായി ആധാര്‍ ലിങ്ക് ചെയ്യേണ്ടത് പ്രധാനമാണ്.
എന്താണ് ഇ-പാൻ സേവനം?
പാൻ കാര്‍ഡ് തല്‍ക്ഷണം നല്‍കുന്നതിനാണ് ഇ-പാൻ സേവനം ആരംഭിച്ചത്. സാധുതയുള്ള ആധാര്‍ നമ്ബറുള്ള ഉപയോക്താക്കള്‍ക്ക് ഈ കാര്‍ഡുകള്‍ ഏതാണ്ട് തത്സമയം നല്‍കുന്നു. ആധാറില്‍ നിന്നുള്ള ഇ-കെവൈസി വിശദാംശങ്ങള്‍ പരിശോധിച്ചതിന് ശേഷം നല്‍കുന്ന ഡിജിറ്റല്‍ രൂപത്തിലുള്ള കാര്‍ഡാണ് ഇ-പാൻ. പിഡിഎഫ് ഫോര്‍മാറ്റില്‍ ഇത് സൗജന്യമായി ലഭിക്കും.
എങ്ങനെ ഡൗണ്‍ലോഡ് ചെയ്യാം?
ആദ്യം നിങ്ങള്‍ ഔദ്യോഗിക വെബ്‌സൈറ്റ് http://www.tin-nsdl.com സന്ദര്‍ശിക്കുക. തുടര്‍ന്ന് ഇടതുവശത്തുള്ള Instant e-PAN എന്ന ഓപ്ഷൻ തിരഞ്ഞെടുക്കുക.
Check Status/ Download PAN എന്നതിന് താഴെയുള്ള Continue ക്ലിക്ക് ചെയ്യുക.
ഇതിന് ശേഷം നിങ്ങളുടെ 12 അക്ക ആധാര്‍ നമ്ബര്‍ നല്‍കണം. ചെക്ക്ബോക്സ് അടയാളപ്പെടുത്തുക, തുടര്‍ന്ന് Continue ക്ലിക്ക് ചെയ്യുക
ആധാര്‍ കാര്‍ഡുമായി ബന്ധിപ്പിച്ച മൊബൈല്‍ നമ്ബറിലേക്ക് ഒരു ഒടിപി ലഭിക്കും. അത് നല്‍കി Continue ക്ലിക്ക് ചെയ്യുക.
ഇപ്പോള്‍ മറ്റൊരു സ്‌ക്രീൻ ദൃശ്യമാകും, അതില്‍ View E-PAN, Download E-PAN ഓപ്ഷൻ ലഭ്യമാകും. ഇതില്‍ നിന്ന് Download E-PAN തിരഞ്ഞെടുക്കുക.
തുടര്‍ന്ന് Save the PDF file എന്നതില്‍ ക്ലിക്ക് ചെയ്യുക. നിങ്ങളുടെ ഇ-പാൻ ഡൗണ്‍ലോഡ് ചെയ്യപ്പെടും.
