തിരുവനന്തപുരം: സംസ്ഥാന സര്ക്കാര് ജീവനക്കാര്ക്കും പെന്ഷന്കാര്ക്കുമുള്ള ആരോഗ്യ ഇന്ഷുറന്സ് പദ്ധതിയായ മെഡിസെപ്പിന്റെ തിരിച്ചറിയല് കാര്ഡുകള് വെബ്സൈറ്റ് വഴി ഡൗണ്ലോഡ് ചെയ്യാന് സൗകര്യം ഒരുങ്ങി. ഒരു കുടുംബത്തിന് ഒരു കാര്ഡ് മതി. പദ്ധതിയുടെ ഭാഗമാകാത്തവര്ക്കു ചേരാന് ഇനിയും അവസരമുണ്ട്. ജീവനക്കാര് ഡിഡിഒമാരെയാണു സമീപിക്കേണ്ടത്; പെന്ഷന്കാര് ട്രഷറിയെയും.
മെഡിസെപ് തിരിച്ചറിയല് കാര്ഡ് ഡൗണ്ലോഡ് ചെയ്യുന്നത് ഇങ്ങനെ:
ജീവനക്കാര്ക്ക്
∙ httpd://medisep.kerala.gov.in/ എന്ന വെബ്പോര്ട്ടലില് പ്രവേശിക്കുക
∙ ലോഗിന് മെനുവില് ക്ലിക് ചെയ്യുക. ജോലി ചെയ്യുന്ന വകുപ്പ് തിരഞ്ഞെടുക്കുക
∙ യുസര്നെയിമായി ഓഫിസിന്റെ ഡിഡിഒ കോഡ് നല്കുക. പാസ്വേഡായി ഡിഡിഒയുടെ മൊബൈല് നമ്ബര് നല്കുക. സമീപത്തു കാണുന്ന കോഡ് രേഖപ്പെടുത്തി ലോഗിന് ബട്ടണില് ക്ലിക്ക് ചെയ്യുക.
∙ പേജില് ജീവനക്കാരന്റെ പെന് നമ്ബര് നല്കിയശേഷം സേര്ച് ബട്ടന് ക്ലിക്ക് ചെയ്യുക
∙ മെഡിസെപ്പില് ഉള്പ്പെട്ടിട്ടുണ്ടെങ്കില് മെഡിസെപ് ഐഡി, ആധാര് നമ്ബര്, പേര്, ജനനത്തീയതി എന്നിവ തെളിയും. മെഡിസെപ് ഐഡി കുറിച്ചെടുത്തശേഷം ഹോം പേജിലേക്കു പോകുക.
∙ ഡൗണ്ലോഡ് മെഡ്കാര്ഡ് ബട്ടണില് ക്ലിക്ക് ചെയ്യുക. അടുത്ത പേജില് അക്കൗണ്ട് ടൈപ് എന്നിടത്ത് ബെനഫിഷ്യറി തിരഞ്ഞെടുക്കുക. അടുത്ത കോളങ്ങളില് മെഡിസെപ് ഐഡിയും പെന് നമ്ബറും നല്കുക. ‘സൈന് ഇന്’ ബട്ടന് ക്ലിക്ക് ചെയ്യുക.
∙ അടുത്ത പേജില് ജീവനക്കാരന്റെയും പങ്കാളിയുടെയും ആശ്രിതരുടെയും പേര്, ലിംഗം, ജനനത്തീയതി, വയസ്സ്, പോളിസിയുടെ സ്ഥിതി എന്നിവ തെളിയും.
∙ തൊട്ടുതാഴെയുള്ള ഡൗണ്ലോഡ് ഹെല്ത്ത് കാര്ഡ് എന്ന ലിങ്കില് ക്ലിക്ക് ചെയ്യുമ്ബോള് ജീവനക്കാരന്റെയും പങ്കാളിയുടെയും ആശ്രിതരുടെയും വിവരങ്ങള് ഉള്പ്പെടുത്തിയ കാര്ഡിന്റെ പിഡിഎഫ് പകര്പ്പ് ഡൗണ്ലോഡ് ചെയ്യപ്പെടും. ഇതിന്റെ ഡിജിറ്റല് പകര്പ്പോ പ്രിന്റൗട്ടോ ആശുപത്രിയില് ചികിത്സയ്ക്കെത്തുമ്ബോള് ഹാജരാക്കാം.