താടിയുള്ള അപ്പനെ പേടിയുണ്ട്: പത്തനംതിട്ടയിൽ മുഖ്യമന്ത്രിയുടെ വാഹനത്തിന് കരിങ്കൊടി കാണിച്ച് യുവമോർച്ച പ്രവർത്തകർ; തടയാൻ എത്തിയ ഡിവൈഎഫ്ഐ പ്രവർത്തകരെ വിരട്ടിയോടിച്ചു; യൂത്ത് കോൺഗ്രസുകാരെ തല്ലിച്ചതയ്ക്കുന്ന പോലീസ് വണ്ടിയിൽ നിന്ന് ഇറങ്ങാതെ വിട്ടുപോയി – വീഡിയോ ദൃശ്യങ്ങൾ കാണാം.

വാഹനവ്യൂഹം എത്തുന്നതിനു മുന്നേ തന്നെ ഇവർ വഴിയിൽ നിലയുറപ്പിച്ചിരുന്നു. നിരവധി പോലീസ് വാഹനങ്ങളും, മുഖ്യമന്ത്രിയുടെ പ്രത്യേക സംരക്ഷണ ചുമതലയുള്ള കമാൻഡോ വാഹനങ്ങളും കടന്നു പോകുമ്പോൾ ആരെയും നിന്ന് ഇവർ കരിങ്കൊടി കാട്ടി. പിന്നാലെ എത്തിയ മുഖ്യമന്ത്രിയുടെ വാഹനത്തിനും ഇവർ കരിങ്കൊടി കാട്ടി. ഈ സമയത്ത് ഡിവൈഎഫ്ഐ സംഘം ഇവരെ തടയാൻ ശ്രമിച്ചെങ്കിലും വടി ഇവർ ഉയർത്തി കാട്ടിയപ്പോൾ പിന്മാറുകയായിരുന്നു. യൂത്ത് കോൺഗ്രസ് പ്രവർത്തകരെ തല്ലിച്ചതയ്ക്കുന്ന മുഖ്യമന്ത്രിയുടെ ഗൺമാൻ ഉൾപ്പെടെയുള്ള സുരക്ഷാസേനയും വാഹനം വെട്ടിച്ചു പോയതല്ലാതെ ഇവരെ തടയാൻ ശ്രമിച്ചില്ല.

പൊലീസിന്റെയും, ഡിവൈഎഫ്ഐയുടെയും ഇരട്ടത്താപ്പിനെതിരെ വ്യാപക പരിഹാസമാണ് ഇപ്പോൾ സമൂഹമാധ്യമങ്ങളിൽ ഉയരുന്നത്. താടിയുള്ള അപ്പനെ പേടിയുണ്ട് എന്നാണ് സമൂഹമാധ്യമങ്ങൾ പരിഹസിക്കുന്നത്. അതേസമയം വീഡിയോ ഉയർത്തി കാട്ടി യൂത്ത് കോൺഗ്രസ് ഗ്രൂപ്പുകളിലും വ്യാപക പ്രതിഷേധം സ്വന്തം നേതാക്കൾക്കെതിരെ ഉയരുന്നുണ്ട്. യൂത്ത് കോൺഗ്രസ് നേതാക്കൾക്ക് വേണ്ടി കോൺഗ്രസ് നേതാക്കൾ ശബ്ദിക്കുന്നില്ല എന്ന് ചൂണ്ടിക്കാട്ടിയാണ് വിമർശനം. ഗവർണർക്ക് മുന്നിൽ മുട്ടുകുത്തിയതിന് പിന്നാലെ യുവമോർച്ചയ്ക്ക് മുന്നിലും മുഖ്യമന്ത്രി മുട്ടുകുത്തി എന്നാണ് ബിജെപി വൃത്തങ്ങൾ ഉയർത്തുന്ന വാദം.