വ്യാജ തിരഞ്ഞെടുപ്പ് തിരിച്ചറിയല് കാര്ഡ് കേസില് ഒന്നും രണ്ടും പ്രതികള് പിടിയിലായത് രാഹുല് മാങ്കൂട്ടത്തിലിൻ്റെ കാറില് നിന്ന്. KL -26-L -3030 വെള്ള കിയ കാറില് നിന്നാണ് പ്രതികളെ പിടികൂടിയതെന്നാണ് റിമാൻ്റ് റിപ്പോര്ട്ട്. രാഹുല് മാങ്കൂട്ടത്തിലിൻ്റെ ഉടമസ്ഥതയിലുള്ളതാണ് ഈ വാഹനം.
പ്രതികള് കാറില് സഞ്ചരിക്കവെ പൊലീസ് കൈ കാണിച്ചെങ്കിലും വാഹനം നിര്ത്തിയില്ല. പിന്നീട് മേട്ടുകടയില് വച്ചാണ് പ്രതികളെ പിടികൂടിയതെന്നും പൊലീസ് റിമാൻഡ് റിപ്പോര്ട്ടില് വ്യക്തമാക്കുന്നു. ഫെനി നൈനാൻ, ബിനില് ബിനു എന്നിവരാണ് ഒന്നും രണ്ടും പ്രതികള്.യൂത്ത് കോണ്ഗ്രസ് തിരഞ്ഞെടുപ്പില് വ്യാജ തിരിച്ചറിയല് കാര്ഡുണ്ടാക്കിയ കേസില് അഭി വിക്രം, ഫെന്നി നൈനാന്, ബിനില് ബിനു, വികാസ് കൃഷ്ണ എന്നീ യൂത്ത് കോണ്ഗ്രസ് പ്രവര്ത്തകര്ക്ക് ഇടക്കാല ജാമ്യം കിട്ടിയിരുന്നു.
നാളെ വീണ്ടും കോടതിയില് ഹാജരാകണമെന്ന വ്യവസ്ഥയിലാണ് തിരുവനന്തപുരം സിജെഎം കോടതി പ്രതികള്ക്ക് ജാമ്യം നല്കിയത്. യൂത്ത് കോണ്ഗ്രസ് തിരഞ്ഞെടുപ്പില് വ്യാജ തിരിച്ചറിയല് കാര്ഡുണ്ടാക്കിയ കേസില് അഭി വിക്രം, ഫെന്നി നൈനാന്, ബിനില് ബിനു, വികാസ് കൃഷ്ണ എന്നിവരെ പൊലീസ് നേരത്തെ അറസ്റ്റ് ചെയ്തിരുന്നു. ഡിജിറ്റല് തെളിവുകളുടെ അടിസ്ഥാനത്തിലാണ് അറസ്റ്റ്.
നാല് പേരും ഒരുമിച്ച് ഇരുന്നാണ് ആസൂത്രണം ചെയ്തതെന്നാണ് പൊലീസ് പറയുന്നത്.വ്യാജ തിരിച്ചറിയല് കാര്ഡ് കേസില്, കഴിഞ്ഞ ദിവസമാണ് മൂന്ന് യൂത്ത് കോണ്ഗ്രസ് പ്രവര്ത്തകരെ കസ്റ്റഡിയില് എടുത്തത്. കസ്റ്റഡിയില് എടുത്ത അഭി വിക്രം, ബിനില് ബിനു, ഫെന്നി നൈനാന് തുടങ്ങിയവരില് നിന്നും നിര്ണായക തെളിവുകള് ലഭിച്ചതായി പൊലീസ് പറഞ്ഞിരുന്നു. മൂവരുടെയും പങ്ക് തെളിയിക്കുന്ന തെളിവുകളാണ് പ്രത്യേക അന്വേഷണ സംഘത്തിന് ലഭിച്ചത്.
കഴിഞ്ഞ ദിവസം അടൂരില് അഭി വിക്രമിന്റെയും ബിനില് ബിനുവിന്റെയും വീട്ടില് നടത്തിയ പോലീസ് പരിശോധനയില് ലാപ് ടോപ്പും ഫോണും പിടിച്ചെടുത്തിരുന്നു. ഇതില് നിന്നും ഒട്ടേറെ വ്യാജ തിരിച്ചറിയല് കാര്ഡുകള് ലഭിച്ചതായും അന്വേഷണ സംഘം വ്യക്തമാക്കിയിരുന്നു.ക്രമക്കേടില് കൂടുതല് പേര്ക്ക് പങ്ക് ഉണ്ടെന്നാണ് പൊലീസ് നിഗമനം. പുതുതായി തെരഞ്ഞെടുത്ത യൂത്ത് കോണ്ഗ്രസ് സംസ്ഥാന അധ്യക്ഷന് രാഹുല് മാങ്കൂട്ടത്തിലിന്റെ വിശ്വസ്ഥരാണ് നിലവില് അറസ്റ്റിലായവര്.