നടൻ വിശാലിന്റെ പുതിയ ചിത്രമാണ് മാര്ക്ക് ആന്റണി. കഴിഞ്ഞ ദിവസമാണ് മാര്ക്ക് ആന്റണിയുടെ ട്രെയിലര് പുറത്തിറങ്ങിയത്. ഇതോടെ തെന്നിന്ത്യൻ പ്രേക്ഷകര് ഒന്നടങ്കം ഞെട്ടിയിരിക്കുകയാണ്. ആക്ഷനും കോമഡിയും ഒരു പോലെ നിറഞ്ഞ ട്രെയിലറില് സില്ക് സ്മിതയും രംഗപ്രവേശം നടത്തുന്നു എന്നതാണ് പ്രക്ഷകരെ അത്ഭുതപ്പെടുത്തിയിരിക്കുന്നത്. മണ്മറഞ്ഞ താരവുമായി സാമ്യതയുള്ള വിഷ്ണുപ്രിയ ഗാന്ധിയാണ് സില്ക്ക് സ്മിതയെ വീണ്ടും പ്രേക്ഷകര്ക്ക് മുന്നിലെത്തിക്കുന്നത്. സില്ക്ക് സ്മിതയുടെ കാമിയോ രംഗത്തിന്റെ ഭാഗങ്ങള് ട്രെയിലറില് ഇടം പിടിച്ചിട്ടുണ്ട്.
ടൈം ട്രാവല് ഗ്യാംഗ്സ്റ്റര് ചിത്രത്തിന്റെ ട്രെയിലര് പ്രേക്ഷകര് ഏറ്റെടുത്തു കഴിഞ്ഞു. ഒരു ദിവസത്തിനുള്ളില് 18 മില്യണ് കാഴ്ചക്കാരെയാണ് ട്രെയിലര് നേടിയത്. തമിഴ്, തെലുങ്ക്, കന്നഡ ഭാഷകളില് പ്രദര്ശനത്തിനെത്തും. ചിത്രത്തിന്റെ റിലീസ് സെപ്റ്റംബര് 15നാണ്.